鮨一魂 (已結業)

個半月前搭車經過crowne plaza見到有新餐廳招牌，上OpenRice 一search，見係新開無耐嘅鮨店，日本師傅主理。身為鍾意食壽司嘅港女，我即刻心心眼去book枱，當時weekend omakase lunch 要等到一個月後先有位，仲要advance payment。我揀咗Sakura omakase set，$880一位。銅鑼灣嚟講定價算係頗高。環境餐廳環境舒適寧靜，位子唔多但有空間感，吧枱坐到8個，後面有一個卡位同埋private room。中午時份光線透過竹簾輕輕咁篩入嚟餐廳，慢慢地飲吓茶，成個人放鬆哂，心情非常愉悅。服務當日兩位侍應非常有禮同attentive。由於師傅不諳中文，所以交流有限，有關食物嘅介紹變咗主要由侍應負責，佢哋嘅介紹亦清晰詳盡。另外，中途其中一對客人不斷有啲問題問師傅，令我哋依pair上菜突然停咗一陣，男侍應見狀就主動行埋嚟向我哋介紹下一道菜，等我哋唔會覺得太被冷落👍🏼👍🏼食物壽司有被師傅細心處理過，但有記憶點嘅得一兩道，亦估唔到佢會用鰻魚作結尾(不是compliment)，另外舍利比想像中甜，唔係太啱我口味。提示：胃口大嘅朋友記得要求個舍利加