影片
更多
2023-03-21
299 瀏覽
2023年3月8日 星期三今日帶老婆去咗銅鑼灣呢一間餐廳食omakase，餐廳好似係新開張咗冇幾耐，但係網上有好多好評，而且需要預先預約，好彩我早咗一個星期book先有位餐廳提供嘅omakase有兩款套餐，價錢每位$780同$980，分別在於多咗刺身、壽喜燒和牛同海鮮土瓶燒，既然一場嚟到又只係差$200，所以我哋決定食好啲，點個最貴嘅等咗大約幾分鐘，餐廳就開始陸續送上食物，最右手邊係用甘露煮嘅番薯，之後中間係海膽豆腐同蟹膏豆腐，店員送上食物嘅時候，中間會穿過類似火焰嘅出風機，感覺真係好似俾火焰包圍住咁，完全符合餐廳個名番薯好甜，而且無筋，細細舊又唔會食完飽肚，而中間嘅海膽豆腐同蟹膏豆腐，豆腐吸收晒海膽同蟹膏嘅味道，充滿海鮮嘅香味，食完之後更加開胃之後有刺身，分別係北海道帆立貝、牡丹蝦同大拖羅，碟下面係一個小魚缸，裏面真係有新鮮嘅魚游來游去，用黎打卡一流，帆立貝好大粒，新鮮又彈牙，而牡丹蝦都好有咬口，完全唔覺得霉，仲預先剝左蝦殼添，食起上嚟好方便，最驚喜嘅係大拖羅，因為真係入口即融，口入面充滿吞拿魚嘅香味，油脂好豐富跟住有鵝肝茶碗蒸，上面有柚子同山葵可以攪勻食，配搭好新鮮，無諗過蒸蛋都可
今日帶老婆去咗銅鑼灣呢一間餐廳食omakase，餐廳好似係新開張咗冇幾耐，但係網上有好多好評，而且需要預先預約，好彩我早咗一個星期book先有位
餐廳提供嘅omakase有兩款套餐，價錢每位$780同$980，分別在於多咗刺身、壽喜燒和牛同海鮮土瓶燒，既然一場嚟到又只係差$200，所以我哋決定食好啲，點個最貴嘅
等咗大約幾分鐘，餐廳就開始陸續送上食物，最右手邊係用甘露煮嘅番薯，之後中間係海膽豆腐同蟹膏豆腐，店員送上食物嘅時候，中間會穿過類似火焰嘅出風機，感覺真係好似俾火焰包圍住咁，完全符合餐廳個名
番薯好甜，而且無筋，細細舊又唔會食完飽肚，而中間嘅海膽豆腐同蟹膏豆腐，豆腐吸收晒海膽同蟹膏嘅味道，充滿海鮮嘅香味，食完之後更加開胃
之後有刺身，分別係北海道帆立貝、牡丹蝦同大拖羅，碟下面係一個小魚缸，裏面真係有新鮮嘅魚游來游去，用黎打卡一流，帆立貝好大粒，新鮮又彈牙，而牡丹蝦都好有咬口，完全唔覺得霉，仲預先剝左蝦殼添，食起上嚟好方便，最驚喜嘅係大拖羅，因為真係入口即融，口入面充滿吞拿魚嘅香味，油脂好豐富
跟住有鵝肝茶碗蒸，上面有柚子同山葵可以攪勻食，配搭好新鮮，無諗過蒸蛋都可以夾呢d配料，而且出奇地配合，每一啖都食到鵝肝味，好特別
呢個係鮑魚凍餅配鵝肝醬高湯啫喱，鮑魚煮得好有咬口但又唔韌，本身都已經好夠味，加埋個高湯啫喱一齊食味道更加濃郁，更帶出鮑魚本身既味道，再加埋師傅上菜前已經將鮑魚切成一舊舊，更突顯菜式既用心
最有視覺效果既係呢個菜式，炭薰牛舌配以黑松露蛋黃醬，無諗過師傅燒完牛舌之後會加舊炭上去再用薰既方法整，令到牛舌充滿住炭香，好似炭燒咁，但又唔會燒到燶晒，牛舌既味道濃縮埋一齊，好好食
再黎有燒白鱔配淮山蓉秋葵，淮山蓉秋葵可以用作消油膩，所以會食左燒白鱔先，白鱔有豐富既魚油，而外皮都燒得好香脆
呢個壽喜汁精選和牛肉眼薄燒係呢個餐特有既，師傅上碟之前仲用左白蘭地酒洒上去產生火焰效果，和牛肉眼吸收晒醬汁既味道，咬落去有濃郁既牛肉味，而且甜甜地容易入口，可惜得一塊，要慢慢品嘗佢既味道
之後仲有呢個精選和牛柳粒，上面係日本蛋整成嘅鹽，側邊嘅係蜜糖焗蒜頭，可以當小食咁食，而炭燒和牛柳粒都做到入口即化既感覺，加上有炭燒味，而且可以同加左蜜糖既蒜頭一齊食，味道更好
最後仲有梅子冷素麵，梅子醬可以隨客人既喜好加多與少，我個人就比較鐘意食酸啲，所以撈埋個麵一齊食幾有趣，又可以解膩
甜品方面有蜜瓜同唔同口味既雪糕，我就揀左薑味，食落去每一啖真係有好重既薑味，辣辣地但又同雪糕幾夾，而蜜瓜就好清甜
最後因為優惠期內，所以有八折優惠，埋單每人$900左右，食到勁飽
張貼
