影片
更多
2024-10-15
2063 瀏覽
話說我有個朋友好鍾意去湊湊打邊爐，成日同我講勁高質叫我一定去試，適逢而家到10月31號佢哋有慶祝國慶七五折優惠，而且又出咗新湯底同小食，加埋湯底升級都唔加價，一於去試吓 😍鴛鴦鍋：昆布文蛤鰹魚鍋 + 台式麻辣鍋首先試咗昆布文蛤鰹魚鍋，簡直是鮮味到一個點 😋 而且跟湯底仲會送多一份文蛤 😍 成個湯非常之甜，直接就咁飲超正，呢邊嘅湯底我哋就主要攞嚟淥海鮮，昆布湯令到海鮮熟咗之後再多一份甜味，打完邊爐之後成個湯底吸收晒海鮮嘅精華，跟住我哋再飲咗一碗，真係好少打邊爐打到係咁飲湯 🤤 另一邊就叫咗台式麻辣鍋，起初都驚佢會太辣，但係佢呢個辣度同麻度都調校得剛剛好，唔會一食就成個口都麻晒，食得出係香料熬出嚟嘅麻香同辣香，重點必食嘅就係佢入邊嘅鴨血同埋豆腐，我本身係完全唔食鴨血嘅，但係佢呢度嘅鴨血竟然令我encore咗三次 😂 因為佢整得好入味之餘，係完全冇腥味，勁香，記得食晒可以叫職員幫你再加啲落去，睇住佢大大煲鴨血豆腐煮得咁靚，完全係食慾大增 🤤華麗海鮮拼盤（小）+ 新鮮白鱔片海鮮拼盤有蝦（生猛到仲識郁 👍🏻）、鮑魚、文蛤、鱔片同埋帶子，全部都勁新鮮，最鍾意個鮑魚，口感鮮甜彈牙，一食就知道啲海鮮係
鴛鴦鍋：昆布文蛤鰹魚鍋 + 台式麻辣鍋
首先試咗昆布文蛤鰹魚鍋，簡直是鮮味到一個點 😋 而且跟湯底仲會送多一份文蛤 😍 成個湯非常之甜，直接就咁飲超正，呢邊嘅湯底我哋就主要攞嚟淥海鮮，昆布湯令到海鮮熟咗之後再多一份甜味，打完邊爐之後成個湯底吸收晒海鮮嘅精華，跟住我哋再飲咗一碗，真係好少打邊爐打到係咁飲湯 🤤
另一邊就叫咗台式麻辣鍋，起初都驚佢會太辣，但係佢呢個辣度同麻度都調校得剛剛好，唔會一食就成個口都麻晒，食得出係香料熬出嚟嘅麻香同辣香，重點必食嘅就係佢入邊嘅鴨血同埋豆腐，我本身係完全唔食鴨血嘅，但係佢呢度嘅鴨血竟然令我encore咗三次 😂 因為佢整得好入味之餘，係完全冇腥味，勁香，記得食晒可以叫職員幫你再加啲落去，睇住佢大大煲鴨血豆腐煮得咁靚，完全係食慾大增 🤤
華麗海鮮拼盤（小）+ 新鮮白鱔片
海鮮拼盤有蝦（生猛到仲識郁 👍🏻）、鮑魚、文蛤、鱔片同埋帶子，全部都勁新鮮，最鍾意個鮑魚，口感鮮甜彈牙，一食就知道啲海鮮係靚嘅 👍🏻
手工蝦滑
蝦滑大大嚿，入邊睇得好清楚有好多一粒粒嘅蝦，職員仲好好心機幫我哋放入去個鍋度度，淥熟咗之後食爽口彈牙，仲食到好甜嘅蝦味 😋
美國特選級牛肩胛
特登叫咗牛肩胛配麻辣湯 😍 新鮮有肥瘦適中嘅牛肩胛全部都大大塊，輕輕拖兩拖口感已經非常之好 👍🏻
毛肚、皇帝菜
朋友好鍾意食毛肚，叫我都一定要試吓，估唔到個口感又幾似牛柏葉，而且係好爽口彈牙，到最後反而係我食得最多 🙈 叫多個皇帝菜用嚟淥昆布湯嗰邊，啲菜吸收咗湯嘅精華，好清甜 😍
抹茶開心椰
抹茶味好香濃，有少少椰果咬，估唔到傳統都唔算太甜，而且口感都有少少Creamy 👍🏻
百事蜜桃綠茶生可樂
朋友就叫咗呢杯新出嘅嘢飲，蜜桃甜甜地又有少少茶香，令到成杯可樂感覺好fresh 🫶🏻
自助區除咗有好多種醬可以 Mix and Match之外，亦都有香辣魚皮同杏鮑菇，仲有炸番薯頭同埋滷肉飯（呢個勁有驚喜，好濃厚 😍），而且仲有生果可以拎添！然後食到中後期就勁貼心咁派咗杯沙冰俾我哋解膩，食飽飽仲有個勁濃厚嘅紅豆豆乳布甸 🤤 難怪朋友經常嚟呢度打邊爐啦 😍
張貼
