泰斗 (中達大廈)

營業中

休息中

同朋友去尖沙咀做facial，之後去咗海防道泰斗食泰國菜，餐廳裝潢時尚，燈光柔和，入面有一個大露台，無論室外或室內，座位都坐好舒服。泰式生蝦，生蝦好新鮮，厚肉鮮甜，配埋啲生蒜同酸辣汁，酸酸辣辣好開胃。泰式海南雞半隻，海南雞是去骨的， 雞肉嫩滑，雞皮爽脆， 有少許啫喱狀雞油，食落特別香滑。菠蘿海鮮炒飯，菠蘿香氣濃郁，多汁味甜。酸酸甜甜的感覺加上海鮮炒飯、黃姜粉和本身的菠蘿殼，做成一道很開胃美觀的菜式。海鮮有蝦、青口、魷魚，全部都好爽口，飯炒得香口，加埋甜美的新鮮菠蘿，超好味！小食拼盤，即叫即炸，泰式雞卷香脆可口。魚餅食落有泰式香料味，味道香辣有咬口。蝦餅口感彈牙，蝦味鮮濃，愈食愈鮮甜。粉絲皮春卷，酥脆美味。芒果沙冰調得好好，芒果味十足，喝一口已經能一消暑氣。椰汁紅豆冰，椰汁飄香撲鼻，紅豆甜美綿密，是美味透心涼凍飲。