影片
更多
2012-04-08
299 瀏覽
2 年前去食過一次, 覺得係超好食, 也有在 OPENRICE 寫了食評.但今次再去係有D 失望, 可能因為有期望啦.第一樣環境係靚了好多, 好喜歡係那種清雅的靚, 但就太窄了, 放了太多TABLE, Table 與 table 之間只得呎零位行, 好窄, 加上我陀住5, 6個月 BB 卻被安排最入的TABLE, 每次出去取食物都要打斜個身行, 好辛苦.講番食物啦, 今次係做法國野食, SELL 法國睡蟹, 鵝肝.... 先說 法國睡蟹, 全晚只有一開始時見到, 好彩一開始 我叫老公去取, 但都只攞到 1.5隻蟹蓋 (因係1 開 2, 甘我取了3 件), 因為前面個女仔一攞就攞晒D 蟹蓋同7-8 件蟹身, 所以我地攞唔到, 之後中段我走埋去問重出唔出, 個廚師話出, 但最後只出多了一兩隻, 我只取到 1 件蟹身... 太少供應唔抵食 鵝肝係全晚最正, 重係即叫即煎, 所以特別皮脆內軟, 好正, 好味過洲際 (洲際係會煎定D 係到, 所以無甘好食), 我食了十幾廿塊, 又大件 又真係不停供應..酥皮焗龍蝦湯, 幾好飲, 但好似稀DD..其它SELL 的法國野食, 好似鵝肝蒸原隻蛋, 一
但今次再去係有D 失望, 可能因為有期望啦.
第一樣環境係靚了好多, 好喜歡係那種清雅的靚, 但就太窄了, 放了太多TABLE, Table 與 table 之間只得呎零位行, 好窄, 加上我陀住5, 6個月 BB 卻被安排最入的TABLE, 每次出去取食物都要打斜個身行, 好辛苦.
講番食物啦, 今次係做法國野食, SELL 法國睡蟹, 鵝肝....
先說 法國睡蟹, 全晚只有一開始時見到, 好彩一開始 我叫老公去取, 但都只攞到 1.5隻蟹蓋 (因係1 開 2, 甘我取了3 件), 因為前面個女仔一攞就攞晒D 蟹蓋同7-8 件蟹身, 所以我地攞唔到, 之後中段我走埋去問重出唔出, 個廚師話出, 但最後只出多了一兩隻, 我只取到 1 件蟹身... 太少供應唔抵食 鵝肝係全晚最正, 重係即叫即煎, 所以特別皮脆內軟, 好正, 好味過洲際 (洲際係會煎定D 係到, 所以無甘好食), 我食了十幾廿塊, 又大件 又真係不停供應..
酥皮焗龍蝦湯, 幾好飲, 但好似稀DD..其它SELL 的法國野食, 好似鵝肝蒸原隻蛋, 一出就俾人攞晒, 又係出得一次, 成晚我都攞唔到....
日式鐵板燒, 除了鵝肝外, 全是超級平野 -- 雞翼, 香腸仔, 魚蛋, 粟米, 好無攞.
不過最令我地失望係D 燒牛肉, 今晚係最CHEAP 的燒牛柳條, 好細件, 無咩牛味, 重UN UN 地, 我地最鍾意食牛肉的, 大失所望, 有咩理由 4佰幾蚊的BUFFET 件燒牛肉/ 扒係甘差, 我試了一件唔好味, 無再食,... 上次去ROYAL PACIFIC 差不多價錢, 人地燒PRIME RIB 呀, 好正的..
我記上次黎食D 燒牛肉都唔係甘差既, 今次真係差,...
甜品又係好似唔夠LAW, 我到8:30 出去攞已經得番零零碎碎, 好彩老公一早攞了兩杯 鮮奶布丁, 如果唔係真係無得食... , 我記得上次係食極都有的... 今次又差了. 就連生果, 未夠 9PM 已經無晒, 有D 離譜..
這晚 $448 - 8折再 加10%, 每人要 $404, 好彩我鍾意同食了不少鵝肝, 都算OKAY, 但我老公唔食鵝肝, 連他鍾意的 牛扒, 生果都甘差, 就好唔抵..
食埋今次唔會再考慮再來...
REMARKS: 之前講係我地前面一攞就攞了7-8 件法國睡蟹蟹身, 同D 蟹蓋的女仔, 就係坐係我地隔離, 佢得兩個人, 佢男友又攞了兩件, 即係 9 成法國睡蟹俾佢兩個攞晒, 最激氣佢地只食了1-2 件, 剩下6-7件, 成晚無食過, 最後埋單先叫人收, 真係估唔到, 香港重有d 甘既人, (重係香港女仔)... 但酒店都有責任, 係得甘少法國睡蟹的, 就應分開2- 3 出, 唔好一開俾人攞晒..
重有想講下D 服務, 坐低後連水都無杯, 我地又坐到最入, 申了好耐手先叫到人攞杯水, 重成晚都無人加水, 酒店BUFFET 來說係太差...
張貼
