Five To One

營業中

休息中

旺角five to one cafe朋友又介紹好嘢俾我，近排真係食唔停，減肥計劃又要延期😅雖然間舖係旺角，不過我都搵咗一陣先搵到，唔係平時成日行嗰幾條街，呢條街就靜啲，不過離遠已經望到間店，因為裝修太吸引喇，啱晒想扮文青嘅我🤪舖頭好早開，不過冇早餐，都係點返平時嘅menu，有唔同口味嘅凍烏冬、多士、沙律等等，當然唔少得有好多咖啡☕️喇我就叫咗炸蝦多士，78一份，咖啡要咗latte，42一杯，價錢唔算貴，不過如果早餐有得點套餐就會更好喇🤣炸蝦多士比想像中大份，兩條大大嘅蝦，炸到脆卜卜，上面有炒蛋，下面加塊農夫包，同平時食到嘅多士好唔同，好特別，加再上d好開胃嘅沙律菜，感覺好fresh。因為幫我一分為二，所以唔會食到好le hea。杯咖啡都好靚，拉咗個愛心俾我，好鍾意呀🥰真係唔捨得飲。味道黎講，杯咖啡都整得好唔錯，下次都會專登去飲咖啡。