影片
更多
2007-11-13
7 瀏覽
我在這間餐廳食過兩餐lunch & 一餐dinner。第一次lunch是給樓下拉客的員工感動，好落力，但又不致於煩，當然價錢平亦重要，因為唔好食都冇咁傷。跟住個waitress marked 住我地上lift，lift門打開覺得間餐廳幾舒服，於是決定食。第一次食lunch，食咗個海鮮喇沙，雖然我唔鍾意魷魚，但就好鍾意喇沙，佢當然無嗰啲正宗喇沙咁原味，但都唔錯吖。我老公食叻哩牛腩，試咗少少，都得喎。埋單連tips共$80，幾滿意的一餐。第二次約朋友旺角食lunch同傾偈，唔知去邊之際諗起這裡，今次我食curry，friend食喇沙，雖然冇驚喜，但OK。不過真難得喺旺角有咁嘅環境。第三次上星期五同老公dinner。7:00左右條街多人到有啲驚，於是又諗起呢道，樓下照樣有員工拉客，好落力，我一向都好欣賞年青人有咁嘅工作態度。雖然之前有人因看到有部份員工啲service唔係幾好而扣左啲分，但我就覺得大家都係人，自問開工時都試過吞扑，有唔少心做錯嘢，所以我時不時都提自己唔好學民主人士咁--嚴人寬己。前線服務真係好辛苦，所謂聖人都有錯，吊頸都要喘氣，最重要係己所不欲，勿施予人，多啲互相睇諒，等大家
第一次食lunch，食咗個海鮮喇沙，雖然我唔鍾意魷魚，但就好鍾意喇沙，佢當然無嗰啲正宗喇沙咁原味，但都唔錯吖。我老公食叻哩牛腩，試咗少少，都得喎。埋單連tips共$80，幾滿意的一餐。
第二次約朋友旺角食lunch同傾偈，唔知去邊之際諗起這裡，今次我食curry，friend食喇沙，雖然冇驚喜，但OK。不過真難得喺旺角有咁嘅環境。
第三次上星期五同老公dinner。7:00左右條街多人到有啲驚，於是又諗起呢道，樓下照樣有員工拉客，好落力，我一向都好欣賞年青人有咁嘅工作態度。雖然之前有人因看到有部份員工啲service唔係幾好而扣左啲分，但我就覺得大家都係人，自問開工時都試過吞扑，有唔少心做錯嘢，所以我時不時都提自己唔好學民主人士咁--嚴人寬己。前線服務真係好辛苦，所謂聖人都有錯，吊頸都要喘氣，最重要係己所不欲，勿施予人，多啲互相睇諒，等大家都開心啲喇。
Sorry，講左好多廢話。員工好nice地同我地上樓，一開lift門，Captain就好快帶我們&另一pair坐下，Set Dinner $55-$65 (唔駛加一)，
餐湯:兩個都要羅宋湯，當然冇皇后咁好，但都唔錯，夠味，同湯最緊要夠熱，個包只係一個普通嘅餐包，但就熱熱地，兩樣加埋有個好開始先。
主菜一:我要牛跟雜菜(唔記得牛扒定牛柳;$65)，絕對一分錢一分貨，但以雪藏貨黎講都算係咁喇，冇梳打味而唔"un"，食哂。
主菜二:老公要魚跟意粉($55)，都係中規中舉，食哂
甜品:可以加$15要件cheese cake，但我同老公都較細食，冇要
Tea:標準la
有樣嘢，佢地上菜好快，湯未飲完，主菜就到，主菜食到一半，就問你飲乜，當然杯drink話咁快又到，但佢地又唔係趕客，食完哂，飲埋杯嘢，佢地都不停幫我地加水，我覺得服務都算恩勤(普通餐廳普通service得架啦，太好我會唔自在)，隔離枱我地坐低時己經開始飲嘢，我地走時佢地仲好自在地傾緊偈，可能間餐廳一直都係8-9成滿。
埋單共$120，咁嘅價錢，久唔久簡簡單單一餐我會再黎囉。
張貼