喜來稀肉 (登龍街)

營業中

休息中

香港區區都有韓國燒肉店，有平有貴，呢間銅鑼灣喜來稀肉都算出名，我本身好鐘意食燒肉，又怕成身燒肉味，所以對燒肉店個環境，通風，都有好大要求，呢間舖個環境好舖服，入到去唔會好大燒肉味，而且裝修得好似去咗韓國咁，侍應服務亦很好，呢方面值得加分。食物方面我叫咗個壹頭牛套餐，兩個人食，有5個部位，喜來烤肉比較濃味，燒汁太重，食唔到牛味。牛五花最肥美，又有咬口。牛頸個口感唔錯，但比較乾身。牛肋骨肉同牛排骨都好入味，算係最好味兩種。總結呢間環境服務都好好，食物就正常冇乜特別，呢個價錢，如果去其他燒肉店，可能有更好選擇。