PizzaExpress (赤柱大街) (已結業)

Pizza Express係好多地方都有！但係赤柱食絕對有另一番風味，大概晏晝5點幾去到 慢慢食 望住個太陽同對出既海 真係好舒服今次叫左5樣食物 都保持到pizza express應有既水準！白汁蝦肉意粉平時係其他餐廳都好易好膩 食完少少意粉已經濟到食唔到其他野 但呢個白汁值得一讚既地方係佢絕對佢唔會好濟 個蝦仲要好爽口！😻清新之吻聽朋友介紹要叫一個麵包既物體 雖然我地係叫錯左佢本身介紹我地叫個樣野 但呢個都好有驚喜！入面仲有d軟芝士加羅勒醬 成個combination都好好 岩岩整好個陣食真係🤓🤓😍Parma Class Pizza 呢個pizza就中規中矩 冇咩特別 餅底唔係好厚既麵團 只係一塊薄薄地既 食多幾塊都仲得 一向都覺得pizza express既蕃茄醬好似會酸d 令到人開胃d😈😂蝦肉燴意大利飯risotto 不嬲都係比意粉膩d 呢個都唔例外！不過蝦肉依然爽口絕對為呢個意大利飯加左唔少分！不過我會推薦食意粉多d😊朱古力布朗尼每次食完正餐都要叫一個甜品作結 呢個brownies係比較chewy個種 而係底下既雪糕係vanilla 冇咩特別