影片
更多
2020-10-16
223 瀏覽
難得疫情開始緩和, 黎到happy friday 當然要同朋友出來聚一聚傾下計啦, 香港地度度都多人, 最好都係相約旺區, 今晚就約左朋友去尖沙咀嘅大門橫丁, 平常呢條街都係行去尖東嘅時候先經過,但得兩個女仔胃口好少所以就決定叫串燒啦環境方式因為餐廳比較少卡位而且檯都係以一字直排開, 所以私密度唔高嘅, 因為疫情關係所以都開隔一下,都坐得自在嘅韓醬燒牛小排牛小排本身已經口感好軟綿而且肉味好出, 而小排入面有油脂燒熔後咬落去感覺非常滿足, 再加上韓醬比日式燒汁更重味道, 所以成串都好濃味, 用來配啤酒係幾好嘅選擇胡麻軟殼蟹沙律手打烏冬呢樣作為唯一嘅主食, 絕對係非常正確, 首先軟殼蟹嘅分量十足, 睇相都見到隻蟹成個碗面咁大, 炸衣好薄而且炸得酥脆, 帶少少鹹味而又有蟹肉, 一定要食左隻蟹先之後先再倒胡麻醬落去烏冬度撈, 胡麻醬份量多而且濃度剛好容易拌勻, 所以所有烏冬都會沾上胡麻醬, 烏冬本身比較軟所以掛汁效果一流, 生菜本身亦都好夾個醬, 所以整體味道係唔錯嘅, 調醬濃淡嘅要記一功燒魷魚筒咁岩叫嘅魷魚筒觸鬚比較短, 但筒身都比較長而且肉厚, 加上燒汁掛上後用炭火燒所以別有風味, 因為新
環境方式因為餐廳比較少卡位而且檯都係以一字直排開, 所以私密度唔高嘅, 因為疫情關係所以都開隔一下,都坐得自在嘅
韓醬燒牛小排
牛小排本身已經口感好軟綿而且肉味好出, 而小排入面有油脂燒熔後咬落去感覺非常滿足, 再加上韓醬比日式燒汁更重味道, 所以成串都好濃味, 用來配啤酒係幾好嘅選擇
胡麻軟殼蟹沙律手打烏冬
呢樣作為唯一嘅主食, 絕對係非常正確, 首先軟殼蟹嘅分量十足, 睇相都見到隻蟹成個碗面咁大, 炸衣好薄而且炸得酥脆, 帶少少鹹味而又有蟹肉, 一定要食左隻蟹先之後先再倒胡麻醬落去烏冬度撈, 胡麻醬份量多而且濃度剛好容易拌勻, 所以所有烏冬都會沾上胡麻醬, 烏冬本身比較軟所以掛汁效果一流, 生菜本身亦都好夾個醬, 所以整體味道係唔錯嘅, 調醬濃淡嘅要記一功
燒魷魚筒
咁岩叫嘅魷魚筒觸鬚比較短, 但筒身都比較長而且肉厚, 加上燒汁掛上後用炭火燒所以別有風味, 因為新鮮整好所以就立即消滅佢, 口感濕潤, 有種食燒味嘅蜜味, 而魷魚本身肉厚, 咬起來爽脆又帶甜, 觸鬚當然係永遠嘅主角, 每粒吸盤都沾上燒汁所以更加美味
辣汁燒豬肋肉
豬肋肉本身肉味較厚, 所以非常適合燒烤, 因為呢間餐廳燒汁口味我幾中意, 所以出來效果都唔錯, 口感咬起來結實但唔韌, 肉汁豐富, 內裏條條嘅坑紋位連上一層筋膜愈咬愈惹味
鹽燒護心肉
因為護心肉油脂部分比較少, 主要都係因為有筋膜所以會口感煙韌同埋肉味會較突出, 以鹽燒來講又可以癖去豬肉的羶味, 不過食起來會比較鹹
芥末和牛
和牛以一口骰子牛方式串起來再鋪上一層芥末燒, 因為芥末嘅辛辣令到本身口感軟綿嘅和牛食起來更加嫩, 和牛當然係冰鮮處理, 但呢間店解凍技巧頗好所以肉汁依然能保持住, 但因為油脂豐富所以輕嘗即可, 再多的話會膩
日式餃子
呢個算比較普通, 似先整定後再翻煎封餃底, 包裹嘅餡料主要係肥肉碎, 整體來說不太突出
七味燒雞翼
本身雞翼唔算大隻, 燒起來唔乾身, 證明廚房燒製時都唔係馬虎處理, 要定時補上醬汁, 不過因為雞翼本身肉唔算厚關係所以成品口感唔太嫩但肉味絕對出眾
黑蒜牛肉蘆筍卷
只要係有蔬菜夾住燒整嘅肉卷物咬起來一定會有豐富嘅肉汁出來, 呢串燒物都唔例外, 蘆筍切得細條細條的, 所以容易一口一舊, 外層都係以肥牛片緊緊包裹住所以無散修修, 而且以黑蒜汁吊味所以肉味更加濃郁, 不過因為蘆筍爽口關係, 食落唔Heavy
汁燒海鮮菇牛肉卷
呢串同牛肉蘆筍卷口感差不多, 不過菇類所含嘅水份比蘆筍更多, 所以形成嘅肉汁更多更惹味, 整體來說呢串更加值得推薦
最後total 叫左10樣野520蚊, 雖然價錢唔係平日嘅風格, 但都幾飽, 而且味道唔係單一, 所以都係好嘅體驗
張貼
