Padstow Restaurant & Bar (已結業)

呢一日先係西貢食個Brunch🙂黎到呢間英倫風情嘅小店～環境一流！食物方面都幾好！脆炸魚柳條$88好味道呀！魚柳條炸得剛好！配埋佢哋自家製嘅他他醬超正！藍青口扁意粉$148賣相ok，青口味道唔錯！個汁我幾鍾意，夠晒白酒味！扁意粉口感良好！鹽焗豬腩肉$198有驚喜呀！好食😋但超級膩！皮整得脆卜卜！腩肉整到入口溶化！不得了！Full English Breakfast $158賣相唔錯，要講講嘅係血腸糕，簡單講..唔係人人鍾意既味道、口感呀！😂其他嘢都正正常常，煙肉好食，不過偏鹹！環境舒服得可以坐一個下午。