天聚源 (已結業)

星期日六點三就同老公阿b食到呢個藍地天聚源食蒸氣鍋喇。因為帶住個bb 所以唔去咁遠, 藍地呢個只係兆康西鐵站 轉一個站輕鐵就到, 好方便。兩個人食二人餐加個生啤。蜆, 全部都係蜆。有好多款嘅蜆,根本唔識咩蜆打咩蜆, 最細隻圓碌碌嘅就d 海水味最咸,其他嘅都係好鮮甜, 最緊要係咁多隻蜆竟然一粒沙都無。龍蝦一人半邊, 有膏, 新鮮, 彈牙! 蝦串一人有兩支。 聖子, 好大隻。一樣"新鮮"。應該係前菜, 麻醬凍烏冬。好聰明嘅安排, 得閒食一啖得閒又食一啖 , 完全唔驚佢攤凍曬。大大隻扇具!呢個都要一讚, 時間掌握得剛剛好。呢個走地雞我老公讚到上天, 真係超有雞味, 蒸嘅時間又剛剛好,又香又滑... 老公話係咁多樣野 最好食的!青瓜絲椰菜絲粟米湯律, 正常野。呢個係白粥,加左生菜絲。 伙計話可以加皮蛋瘦肉做粥底, 但我選擇左白粥覺得感覺襯海鮮D。最後我係食左三碗,老公係兩碗 之後都仲有淨呢幅圖咁多嘅粥... 飽到呢... 但其實我想隊埋佢咖。最後要一讚就係呢間環境... 可能始終唔係市區,地方好寬落, 又清優,有露天 有室內, 感覺好舒服。