Dark Leaf Cafe & Lounge

營業中

休息中

話說旺角有好多樓上鋪都係尋寶咁～今次我就去咗旺角樓上鋪尋西餐🍽️一入到去覺得環境好舒服！因為有好多梳化嘅位置～同埋餐廳嘅燈係暗暗地，好適合一路傾偈一路食嘢，私人空間十足👍🏽首先小食黎左人氣醬爆魷魚🦑本身以為佢平平無奇同其他出邊食嘅冇分別，點知佢特調嘅醬汁同個魷魚好match！同埋個魷魚煮得超彈牙！我覺得送酒一流然後主菜我地食左加拿大海膽意粉🍝佢同出邊啲海膽意粉一樣，上面都係擺咗一舊海膽，另外佢地中間加左啲花喺度點綴吓幾靚！然後我一如以往同出邊食海膽意粉一樣都係會食咗上面舊海膽先😂 食得出係好新鮮同鮮甜！欣賞佢除咗上面舊海膽之外，佢個意粉都用咗極多海膽去煮！好味！因為出邊好多餐廳都係用海膽醬就算，同埋個意粉好Creamy，越食越想食😂之後仲叫咗個西班牙伊比利豬🐷本人比較麻麻地豬，除咗真係食伊比利豬！個豬都幾厚切！啖啖肉！然後配埋廚師整嘅醬汁，我一路錯覺以為佢係牛扒😂可想言之係幾嫩滑。Cocktail我地叫左Jasmine同Blue Cancun🥂個人認為後者比較好飲～佢係用咗Vodka加橙酒同菠蘿汁，甜甜地幾好飲同埋隻杯夠特別🍹