La Vista

位於酒吧附近嘅呢一間墨西哥餐廳，環境都幾有格調。侍應都係外國人嚟嘅，我哋叫咗一個肉眼扒一個蒜香辣椒炒大蝦配香草飯同埋一渣Cocktail，最後叫咗一個西班牙油條做甜品。前菜佢有兩條粟米，都幾甜，之後嗰個肉眼扒就叫咗medium，肉質都見到粉紅色，廚師控制火候方面都OK。另外肉眼扒有三種醬料俾我哋去點嚟食，牛油果醬最出色，而且好夾味。最令我眼前一亮就係呢個蒜香辣椒炒大蝦配香草飯，大蝦加上佢啲辣椒非常惹味而且佢啲蝦全部剝晒殼完全唔使自己去剝同埋大大隻。有成五隻蝦咁多。我覺得非常之惹味。最後個西班牙甜品亦都有兩種醬料俾我哋點第一種係朱古力另一種就係焦糖，朱古力味同呢個西班牙油條非常之match, 但係焦糖我就覺得唔夠朱古力味咁夾。值得一提嘅就係個環境，唔會有好嘈雜嘅音樂同埋人聲，可以傾吓偈，唔使用太大嘅聲線都聽得好清楚。同埋店員嘅服務都非常好，成日都面帶笑容。