The Night Market (士丹利街) (已結業)

夜市係台灣魅力之一，小食琳琅滿目，每樣只試一小件都會吃到飽，只恨自己的胃口太少，無法容納更多美食。The Night Market將台灣夜市搬到室內，係香港三十幾度高溫下確實可以解很多人相思之苦。餐廳標榜食品無添加，比喺夜市食得更放心。The Night Market燈光昏暗，碗碟擺設清雅，環境似一間西餐廳多過似室內夜市。藍碟花香西打不在常設餐牌上，用料很豐富，有紫背天葵、藍碟花汁、冰糖雪梨汁、檸檬汁、西打、寒天，消暑清熱，配上台灣煎炸小食很合適。叫了幾款餐廳主打菜式。喺台灣夜市多數只見蚵仔煎，未見過蚵仔酥，蚵仔酥少咗地瓜粉，食到粒粒蠔仔，更加真材實料。蠔仔粒粒飽滿爆汁，份量不小又大粒，十分抵食。咸蛋炸苦瓜將苦瓜輕炸後再用咸蛋包裹著，苦瓜依然爽脆鮮嫩，咸蛋黃非常惹味，兩者配合得很好。台式三杯雞係用醬油、米酒同麻油一齊煮，再加蒜頭、薑、九層塔，咸鮮香味入晒落嫩滑無骨的雞脾肉。石鍋保暖程度高，食到中途依然聽到鍋底吱吱聲。夜市炒飯醬油上色，米飯粒粒分明，台式香腸同四季豆粒為此菜帶來不同風味。甜品焦糖雞蛋布丁蛋味十分香濃，焦糖槳為布丁帶來輕輕甜味。