大美督嘉年華燒烤

營業中

休息中

我好少寫食評，但真係忍唔住。港式燒烤，人頭$188+$50開爐費，包2罐飲品，一開始會俾一碟野食你，食完拎個盤出去問佢拎。首先我地去拎燒烤叉同餐具時個阿姐淨係俾左紙碟膠叉同油，我地離開左個counter都唔夠2米，就返轉頭問佢拎返，前後係10秒內既事，佢竟然唔認仲不斷話冇可能。最後拗左一輪佢先勁悔氣俾返我地，但個感覺係覺得我地呃佢。大佬我地洗唔洗呃你個幾支燒烤叉仔？？然後拎野食個counter仲犀利，個女人全程呼呼喝喝黑口黑面，自問冇得罪佢仲好好禮貌，佢竟然扔盤野食俾我🙂當時仲聽到佢隔離個阿姐同第二台客嗌交，態度超差，其實你地覺得辛苦唔想做咪唔好做囉 講真BBQ真係冇預你要serve我，但冇諗過我俾完錢仲要好似乞兒咁乞食，我真係唔會再去🙂不過公道d講，環境係唔錯的夠闊落，地下都算乾淨（除左個廁所），食物就一般啦都係果d。全場唯一似返個人既職員係換飲品個叔叔，好好禮貌。