千上日本料理 (已結業)

朋友係尖沙咀番工，今晚搵佢食飯，佢話想食日本野，又唔想太嘈，好耐冇見想傾下計，就近近地搵左喺寶勒巷粵海酒店一樓的千上，嚟到見到裝修係簡約日本風，地方闊落，坐得都舒服。前菜叫左胡麻豆腐沙律，開下胃先。跟住再試吓呢度嘅真鯛刺身，呢個刺身唔係點豉油Wasabi嘅，係點一個帶有柚子味既醬汁，幾特別。玉子燒，賣相同口感唔錯，可點沙律醬食。牛油炒舞茸野茹，朋友點，佢好中意食，我個人就冇興趣。牡丹蝦壽司同三文魚壽司，新鮮！蝦頭會幫你再炸嚟食，夠脆口！串燒雞腎及燒鮮白鱔，岩哂送酒！豚肉火鍋，湯好甜，唔錯！最後有雪糕送