影片
更多
2018-06-28
469 瀏覽
坐低先叫咗兩杯cocktail，一杯用上真辣椒，一杯竹葉青。辣的真係會一鼓氣由口腔暖入胃，竹葉青就好似中式嘅vodka lime。前菜比咗個一口車厘茄，餐牌上應該都有得叫，入面包左粒合桃同埋沙律醬。認真好彩冇叫到餐牌上嗰個， 個配搭真係出晒事。中文餐牌就只係見到有鮑魚，係睇英文名先知有八瓜魚。鮑魚係橫切片，可以講從來未食過咁軟嫩嘅鮑魚，滑嘅程度亦係非同小可，而且師傅嘅刀工都非常之勁。八爪魚我個人係喜歡比較彈牙，但如果喜歡柔軟質感嘅朋友就應該會高興。呢度菜嘅靈魂就係嗰個麻辣醬，忍唔住會好大力咁想食物沾到有幾多得幾多嘅汁。蒜泥白肉，鴨唇(定下巴)同一般食開嘅白肉唔同嘅地方係佢嘅肉偏厚，蒜泥不多，醬汁好似有麻醬在內，麻椒味亦突出。我諗我都係鍾意一般嘢多啲。另一道就好似白滷水先將材料煮至夠味，再以醋同微辣嘅湯汁配送，味道不濃不淡，配襯本來已經好味嘅鴨唇更顯合適。豬腰肉處理得好好，食到停唔到，口感一流，完全無腥味。哩一道嘅醬汁比之前嘅辣度明顯比較勁，但係味道就淡口咗估唔到呢度竟然會有豬腦，其中一樣最愛嘅內臟。由第一啖開始我已經覺得佢係咖喱味，所以一路食都已經食唔出其他味道。唔好以為我係想講話唔好
前菜比咗個一口車厘茄，餐牌上應該都有得叫，入面包左粒合桃同埋沙律醬。認真好彩冇叫到餐牌上嗰個， 個配搭真係出晒事。
中文餐牌就只係見到有鮑魚，係睇英文名先知有八瓜魚。
鮑魚係橫切片，可以講從來未食過咁軟嫩嘅鮑魚，滑嘅程度亦係非同小可，而且師傅嘅刀工都非常之勁。
八爪魚我個人係喜歡比較彈牙，但如果喜歡柔軟質感嘅朋友就應該會高興。
呢度菜嘅靈魂就係嗰個麻辣醬，忍唔住會好大力咁想食物沾到有幾多得幾多嘅汁。
蒜泥白肉，鴨唇(定下巴)
同一般食開嘅白肉唔同嘅地方係佢嘅肉偏厚，蒜泥不多，醬汁好似有麻醬在內，麻椒味亦突出。我諗我都係鍾意一般嘢多啲。
另一道就好似白滷水先將材料煮至夠味，再以醋同微辣嘅湯汁配送，味道不濃不淡，配襯本來已經好味嘅鴨唇更顯合適。
豬腰肉處理得好好，食到停唔到，口感一流，完全無腥味。哩一道嘅醬汁比之前嘅辣度明顯比較勁，但係味道就淡口咗
估唔到呢度竟然會有豬腦，其中一樣最愛嘅內臟。由第一啖開始我已經覺得佢係咖喱味，所以一路食都已經食唔出其他味道。唔好以為我係想講話唔好食，其實係非常之夾。豬腦軟綿，咖喱味仲有大量薑蔥蒜，I love it.
水煮魚係水平之作，沒有驚喜，也沒有失望。唯一想講嘅係佢用嘅油別有一番淡淡嘅香氣。
擔擔麵就有失望啦， 湯底唔得。麵條其實非常之好，但都唔襯擔擔麵嘅湯
整體而言，環境冇得彈，食物賣相一流，服務都係非常貼心，雖然有啲菜式真係”驚”訝，有啲菜式又食到心機，但仲有好多菜式未試，所以不能以一餐作準。
張貼
