影片
更多
2022-08-06
529 瀏覽
星期六下午，同妹妹二人在天后搵食，記得1年前見過呢間店未開門已經有人排隊，OpenRice 食評又好，想試好耐，咁「好彩」見到店內有很多坐位，所以入去一試。店內標榜日式野菜，但又有肉食選擇，非常啱我同妹妹一個愛食菜，一個食肉獸。叫咗豬軟骨蔬菜咖喱飯，同牛筋蔬菜沙律。對於平均$80一個人，其實唔應該抱過高期望，但可能食評和食物賣相，令我對佢過份期待。先講環境：坐位非常擠壓，我同妹妹身型瘦小勉強可以，健碩男子、女士帶大包包則非常唔建議。店員安排我們入口旁邊的位置，店門不停打開，外面馬路的汽車廢氣直接吸晒，仲要熱氣湧晒入黎，唔明白點解唔裝風閘呢？如果想試呢間但唔想沙塵熱氣撈飯，入坐時記得要注意！否則想換枱的話，會令店內員工非常不客氣「2號話要換枱呀」「咁你想坐邊張吖！」，態度認真需要改善。食物：（sorry, 因為換枱過程頂住條氣，無心情影相，所以相片欠奉）但公道講句，食物賣相有70分的，因為蔬菜顏色豐富，茄子紫洋蔥粗切薯仔翠玉瓜椰菜花紅蘿蔔，每樣1-2件，咖喱飯有1/4份係「灼蔬菜」，好過平時食碟頭飯得2件，相比健康好多。我食嘅沙律有半碟沙律菜，但配搭牛筋肉嘅雜野菜原來係「炸」的，咬落去油
店內標榜日式野菜，但又有肉食選擇，非常啱我同妹妹一個愛食菜，一個食肉獸。
叫咗豬軟骨蔬菜咖喱飯，同牛筋蔬菜沙律。
對於平均$80一個人，其實唔應該抱過高期望，但可能食評和食物賣相，令我對佢過份期待。
先講環境：坐位非常擠壓，我同妹妹身型瘦小勉強可以，健碩男子、女士帶大包包則非常唔建議。
店員安排我們入口旁邊的位置，店門不停打開，外面馬路的汽車廢氣直接吸晒，仲要熱氣湧晒入黎，唔明白點解唔裝風閘呢？如果想試呢間但唔想沙塵熱氣撈飯，入坐時記得要注意！否則想換枱的話，會令店內員工非常不客氣「2號話要換枱呀」「咁你想坐邊張吖！」，態度認真需要改善。
食物：（sorry, 因為換枱過程頂住條氣，無心情影相，所以相片欠奉）但公道講句，食物賣相有70分的，因為蔬菜顏色豐富，茄子紫洋蔥粗切薯仔翠玉瓜椰菜花紅蘿蔔，每樣1-2件，咖喱飯有1/4份係「灼蔬菜」，好過平時食碟頭飯得2件，相比健康好多。我食嘅沙律有半碟沙律菜，但配搭牛筋肉嘅雜野菜原來係「炸」的，咬落去油淋淋，真係非常失望。
豬軟骨同牛筋肉的確炆得好軟淋，可惜唔入味，仲食到有雪藏味；醬汁濃且偏咸，但奇怪地D肉又入唔到個醬汁味。咖喱係普通日本咖喱磚味道，唔覺得要推介，連食肉獸妹妹都有一半豬軟骨無食到，因為佢話唔好食。
只能夠再講，比個$80一個lunch，想有咩要求？但碟頭飯唔包飲品，請店員加水要心驚膽跳，坐到逼逼喼喼，唔明點解有咁多好評。我自己試一次就夠。
埋單$158，平平地買個教訓，只係浪費咗個胃。
張貼