花椒子 (已結業)

呢排天氣仲係涼涼地，就約左個friend去打邊爐。佢之前去過呢間位於旺角雅蘭中心嘅「花椒子」，話用餐體驗良好，所以就話要帶我去試試。餐廳第一個優點就係佢位於雅蘭中心，交通真係非常方便，而呢度嘅裝修都係太空主題，相當有特色！所以同一般中式火鍋店好唔一樣。俾大家睇下：呢度除左火鍋，都可以食其他嘢，包括小食、辣炒肉等等。但我地當晚係奔火鍋而去嘅～火鍋湯底選擇雖然唔算好多，但都兼顧到唔同需要嘅客人：愛辣人士可以好似我地叫麻辣鴨血鍋；注重健康嘅可以食清湯或著藥膳。麻辣鴨血湯底：好香，有好多舊鴨血同豆腐，辣味十足！旁邊嘅醬料bar可以自己調，好方便。牛小排：兩個人食細份都夠，因為真係好多塊！牛嘅脂肪比例好好，牛味十足。海鮮拼盤：好多款海鮮，其中嘅鮑魚、帶子、生蠔同大蝦都係回本之選，而且每一樣都好新鮮！蔬菜拼盤：有幾款好適合火鍋嘅菜，當中嘅栗米非常甜！其他菜都頗新鮮。飲品：我地飲嘅餐茶（菊普）好香好好飲，所以我地無order其他飲品。但呢度選擇都幾多，喜歡飲汽水或者啤酒紅白酒都可以叫。總結：呢間「花椒子」係我食過嘅火鍋店環境最舒服嘅，而且食物質素好高，店員服務殷勤。下次我會再來！