Black Bear

營業中

休息中

幾次經過見到呢度嘅甜品都好想食，今晚一於黎試吓。睇相見到啲意粉幾好食，我們分別叫咗黑松露螺絲粉同虎蝦意粉。先講虎蝦扁意粉，醬汁方面偏向蕃茄味濃一點，意粉煙靭度處理得唔錯，而大蝦亦都食唔出有雪藏味。如果要比較，我們就喜歡黑松露本菇螺絲粉，螺絲粉的煙韌度比意粉處理得更加好，黑松露味道和忌廉的比例亦都唔錯，唔會整得太水或者太乾。來到甜品就精彩了，先來黑熊芭菲，個人最喜歡是雪糕，咖啡味重而且不太甜，配搭其他啫喱及脆餅一齊食，已經係十分豐富的甜品。再來的香蕉朱古力牛角包窩夫就將今晚的滿意度提升更高層次，窩夫壓得非常之好，唔會太乾亦不會很鬆散，配合香蕉和朱古力一齊食，完全不會有油膩感！最後的espressso tonic 就好像喝了一杯帶果酸味的有汽咖啡，可以中和甜品的甜蜜感。