影片
更多
2024-08-06
557 瀏覽
18/7/2024📍Check In Taipei上網見呢間嘅台灣菜幾特別 唔知好唔好食呢🧐佢開係海港城 裝修幾靚 價錢自然都唔平Weekday walkin 都大把位⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨抹茶奶奶麻糬（$108）一上嚟有少少shocked 因為冇諗過係咁細份麻糬嘅抹茶味同奶味平衡得啱啱好 唔會苦 而且口感非常滑溜 可以輕鬆用筷子將一大嚿麻糬分成細細粒嘅小麻糬😍麻糬係凍凍哋嘅 食落好舒服黃豆粉嘅份量超級多 食晒啲麻糬都有剩✨開心果麻糬撻（$58）撻皮唔會太厚 非常脆 中間嘅餡好重開心果味 麻糬有輕微拉絲 上面鋪滿開心果碎 一路食一路跌😂個撻係暖暖哋嘅 甜度適中 值得一試✨髒髒鹹蛋黃芋泥蛋餅（$88）呢個combination嘅蛋餅好新穎！蛋餅入面全部都係芋泥甜度適中 好smooth 只有表面有少少鹹蛋黃碎 所以冇乜鹹蛋黃味 基本上比芋頭味dominate咗 如果再鹹少少會更好😉✨招牌魯肉飯（$68）魯肉肥瘦比例ok 肉嘅份量舖滿曬個面肥肉入口會溶係啲飯到 瘦肉又唔會乾 係合格嘅魯肉飯 仲有半隻溏心蛋都做得唔錯👍🏻✨明太子甜不辣（$78）每次食台灣野都會嗌甜不辣 因為每
📍Check In Taipei
上網見呢間嘅台灣菜幾特別 唔知好唔好食呢🧐佢開係海港城 裝修幾靚 價錢自然都唔平
Weekday walkin 都大把位
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
✨抹茶奶奶麻糬（$108）
一上嚟有少少shocked 因為冇諗過係咁細份
麻糬嘅抹茶味同奶味平衡得啱啱好 唔會苦
而且口感非常滑溜 可以輕鬆用筷子將一大嚿麻糬分成細細粒嘅小麻糬😍
麻糬係凍凍哋嘅 食落好舒服
黃豆粉嘅份量超級多 食晒啲麻糬都有剩
✨開心果麻糬撻（$58）
撻皮唔會太厚 非常脆 中間嘅餡好重開心果味 麻糬有輕微拉絲 上面鋪滿開心果碎 一路食一路跌😂個撻係暖暖哋嘅 甜度適中 值得一試
✨髒髒鹹蛋黃芋泥蛋餅（$88）
呢個combination嘅蛋餅好新穎！
蛋餅入面全部都係芋泥甜度適中 好smooth
只有表面有少少鹹蛋黃碎 所以冇乜鹹蛋黃味
基本上比芋頭味dominate咗 如果再鹹少少會更好😉
✨招牌魯肉飯（$68）
魯肉肥瘦比例ok 肉嘅份量舖滿曬個面
肥肉入口會溶係啲飯到 瘦肉又唔會乾
係合格嘅魯肉飯 仲有半隻溏心蛋都做得唔錯👍🏻
✨明太子甜不辣（$78）
每次食台灣野都會嗌甜不辣 因為每間餐廳整出嚟都好唔同 呢間整得幾好食😋
明太子醬勁香勁惹味 要趁熱食 先食到甜不辣脆脆哋嘅口感
但真係唔抵食 先得6嚿咋！
✨木瓜牛乳（$52）
奶味同木瓜味都幾香濃 甜度適中 但偏貴
⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯
最後埋單～$500 （連加一）
雖然野食唔錯 甜品仲好好食添！但價錢真係比較貴啦😕
推薦指數🌟：3/5
📍 尖沙咀廣東道3-27號海港城港威商場2樓2204-6號舖
張貼
