影片
更多
2012-08-28
793 瀏覽
兩位主角還未出場，唯有拍拍照、四圍望吓、研究個 menu 黎打發時間啦。坐正窗口位，感覺開揚，又有街景睇。坐位剛好對正 See through 廚房 ﹗師父們有否會有壓力呢？發現原來有露天坐位喎，不過今晚天氣不穩，有驟雨，都係留係室內安全好多，算啦。 酸蘿蔔，好鬼上海風味，比港式甜好多呢，糖味濃而酸味少。 自家南乳花生，無咩特別，其實平時我都唔鍾意食花生既。黎依度就只為隻片皮鴨，其中一味招牌菜 ﹗一開波就先食佢啦 ﹗配菜都係青瓜條、大蒜、甜醬、薄餅，但多左蒜泥同砂糖喎，未試過咁配搭，一定要試試啦。 堂片填鴨，師父刀法如神，快如閃電，手勢純熟狂片 ﹗唔似有些酒樓由侍應操刀，笨手笨腳，片到亂晒龍，厚薄不一、錯晒紋路、皮肉比例又差、搞到又乾又鞋 ﹗我地 order 左填鴨三食，所以師父要先片胸皮、再片淨肉、最後削肉碎囉，都好抵食。 一隻鴨有四籠麵粉皮，特別靚架喎 ﹗粉皮好靚好香，又乾爽每塊分開，唔會有硬塊或有孔有爛，好柔軟，剛剛蒸起出晒煙熱辣辣最正。 片皮三重奏 ﹗第一奏淨鴨胸皮，侍應教跟配砂糖同吃。咬落都幾似食糖，鴨油跟糖熔埋一層，鴨皮脆口，甜甜地無咩味道，感覺幾得意幾新奇。好唔好食就見
酸蘿蔔，好鬼上海風味，比港式甜好多呢，糖味濃而酸味少。
自家南乳花生，無咩特別，其實平時我都唔鍾意食花生既。
黎依度就只為隻片皮鴨，其中一味招牌菜 ﹗一開波就先食佢啦 ﹗配菜都係青瓜條、大蒜、甜醬、薄餅，但多左蒜泥同砂糖喎，未試過咁配搭，一定要試試啦。
堂片填鴨，師父刀法如神，快如閃電，手勢純熟狂片 ﹗唔似有些酒樓由侍應操刀，笨手笨腳，片到亂晒龍，厚薄不一、錯晒紋路、皮肉比例又差、搞到又乾又鞋 ﹗我地 order 左填鴨三食，所以師父要先片胸皮、再片淨肉、最後削肉碎囉，都好抵食。 一隻鴨有四籠麵粉皮，特別靚架喎 ﹗粉皮好靚好香，又乾爽每塊分開，唔會有硬塊或有孔有爛，好柔軟，剛剛蒸起出晒煙熱辣辣最正。
片皮三重奏 ﹗第一奏淨鴨胸皮，侍應教跟配砂糖同吃。咬落都幾似食糖，鴨油跟糖熔埋一層，鴨皮脆口，甜甜地無咩味道，感覺幾得意幾新奇。好唔好食就見人見志，我覺得還可以囉。
片皮三重奏 ﹗第二奏係傳統鴨皮連少許肉卷麵粉皮食，鴨肉都幾滑而有肉汁，配上青瓜及甜醬都幾好味，但好快會滯。不過加埋蒜泥同吃就完全唔同喇，非常香口而帶微辛，有消滯作用。我都係第一次配蒜泥食，感覺很好，又香又醒胃。突然令我想起英國開餐館既舅父，佢會將買返黎既甜醬再加功，加入蒜泥、糖、水及其他香料起鑊兜炒，所以特別香、特別好味架 ﹗一般既現成鴨醬都太咸喇。
片皮三重奏 ﹗最後一奏，淨鴨腿肉又另一個口感，質感較前兩奏為嫩，乾爽不肥，鴨味亦較濃，都幾好。我同樣配蒜蓉，開胃消滯麻。
填鴨兩式，第一式係鴨湯，普通鴨清湯，有淡淡鴨肉味，但味道略為單調。暖暖地，免強都好飲既。如果能夠加點瓜菜、什菇或粉線點綴一吓會好囉。
填鴨兩式，最後二式 ﹗鴨鬆生菜包，鴨肉碎跟大豆牙碎一齊炒，味道都幾寡吓噃，師父要諗諗計先得呀，只係得醬油味、鴨肉味，唔夠香呢，依味麻麻地。而六片生菜裁成圓形好骨子，但包包吓先發覺每片都要包好多餡先得，否則就唔夠用啊。
臘味煎魚餅，好似話係順德菜，唔知係咪呢。臘腸臘肉跟魚肉打成一團再煎，估唔到非常惹味彈牙喎 ﹗味道香濃，有魚味有肉香，好味。食一兩件無問題，其實都幾膩吓，趁熱食，凍左會略咸。
籠仔糯米蒸腩排，我非常非常喜歡依個送，近日經常想食排骨飯，今晚終於可以食到相近架喇 ﹗但朋友們話覺得普通喎。一打開個籠蓋，熱騰騰 ﹗糯米既香味立即衝出，好香呀 ﹗糯米輕輕的卷住肉排，杞子將部份糯米染成紅色，好靚喎 ﹗大大啖成舊放入口中，乾爽既糯米嚥靭軟墊包住超腍肉排，肉排肉味香濃又醃得入味，肉汁又豐富，真係好好食 ﹗
薑汁牛鬆炒飯，突然大家都好想食薑飯，發現 menu 有喎，即刻 order 啦 ﹗但係同我地想像中差天共地喎 ﹗啡色既？薑汁炒飯唔係清清地用薑汁同蛋炒咩？炒出黎先會又靚又乾爽喎。依家係濕笠笠既醬油炒飯，我真係食唔到薑味，濃郁既豉油味蓋過一切。有點失望，麻麻地。
check 吓個甜品 menu 先，好多特別甜品喎，我唔食甜野都要試吓先得啦 ﹗依度既甜品都好出名架 ﹗
腐乳芝士蛋糕，見到個名當然覺得新奇又怪異啦，聽聞好好味，即管試佢一試 ﹗完全想像唔到腐乳味同芝士味會夾得咁緊要架，撞埋一齊既味道非常香濃，質感幼滑，配埋鬆軟蛋糕真係好好食，搞到我有衝動想買一個返去同大家分甘同味添 ﹗堅好味 ﹗
花彫話梅雪芭，淡淡花彫香味，配上酸酸甜甜既話梅，唔會話好甜，味道好清新，好味喎 ﹗仲有塊卷住既芝麻薄脆，真係勁脆又香口，正喎。
雪梨杞子菊花凍糕，賣相櫪為精緻又討好，但對我黎講實太甜喇 ﹗好甜呀 ﹗我一向唔食甜野，真係頂唔緊，試一啖夠喇。杞子磨成漿倒係表面，好靚喎，味道甜甜地。而菊花凍糕好似桂花糕，味道都好似，但帶超重菊花味道。
五粮液朱古力雪糕，好香酒味，最濃係依個甜品，烈酒配朱古力一向都好好食 ﹗
張貼
