甜姨姨私房甜品 (清風街)

營業中

休息中

天后呢邊真係好多嘢食，食完個晚餐兜咗個圈，個甜品胃又開始發作，即刻搵咗呢間屹立不倒嘅甜姨姨，入到去都幾多位好快就睇咗個Menu叫咗個芒果大合奏，佢啲選擇都唔少，但係價錢真係有啲貴，之前經過都好似冇咁貴，上菜好快芒果大俠就係幾好食，但係我反而唔係咁鍾意啲芒果乾，因為好痴牙，成日都要撩返佢出嚟，我個朋友識嘅紫米露就冇影出嚟，但我試咗一啖都幾香加埋啲椰汁價錢平啲，下次可能會想試呢個，本身想叫榴槤沙冰，但係真係太貴要成百幾蚊，真係食唔起。