點點甜 (已結業)

之前朝頭早行過幾次都係冇開鋪，琴日中午行過有開舖喎~ 仲見到個waiter喺門口講話有意粉食， 反正有啲趕時間見佢嗰度都有位坐呀嗱嗱聲試下先! 40蚊有一個主菜又有沙律仲有嘢飲呢個價錢非常之吸引呀~ 蟹子沙律， 一大pat蟹籽有青瓜蟹柳撈埋沙律醬， 青瓜新鮮爽脆蟹柳並唔係一絲絲係一粒粒，足料 肉醬意粉份量多，多肉碎好濃嘅番茄味，面頭仲有啲蓉咗嘅芝士，意粉有口感 蘋果汁好飲如果大杯啲就好喇~ 呢個價錢加埋食物嘅質素再加埋份量，非常之抵食!