研香

營業中

休息中

話說我同我男朋友都好鍾意食糖水㗎，所以每個星期我哋都會搵一日去試吓唔同地方嘅糖水舖！今日要介紹呢一間餐廳佢嘅環境都幾舒適，有少少日係風格。雖然冇話一啲好特別嘅打卡點但係勝在夠乾淨企理💕我哋兩個都係芒果迷，所以去到依家間甜品店一定要叫楊枝甘露 $46同埋芒果冰 $42，估唔到咁大碗都可以$100落樓💕講吓佢嘅味道先，我覺得楊枝甘露好香，每一啖都好重芒果味，唔會話有死甜嘅感覺💕另外嗰個芒果冰係我男朋友話一定要叫！佢話冬天食冰正過夏天食，雖然我唔知點解，但係我淨係覺得好凍。所以最後成碗芒果冰都係佢自己食晒。佢話呢度啲芒果都幾甜，冇諗過唔係當造季節都咁好食💕