東海堂 (已結業)

好朋友響情人節生日，我地就響練歌之前買左生日蛋糕俾佢慶祝。 因為情人節，幾間餅店都係賣情人節蛋糕，我記得佢都幾鍾意食士多啤梨，所以就買左粉紅色正方形又靚靚既俾佢。 呢個蛋糕有大約十層，外表吸引，一拎出嚟，大家都話靚！蛋糕層包括日本赤苺，草苺果凍，白朱古力脆脆，草苺蛋糕等等輪流咁排落去。 赤苺大粒而且新鮮，唔會太酸。 草苺果凍又唔會有想像中咁甜同傺身。 蛋糕咁薄咁一層層咁疊上去又幾鬆軟喎。另外呢個蛋糕既優點係容易切，四四方方，又夠軟，除人頭切話咁易。 不過呢個蛋糕係期間限定，貪靚靚姐妹們或是草苺愛好者，都可一試呢！