餃掂手工餃子雲吞專門店

甜蜜蜜高質蜜餞雞翼～～～呢間餃子店係我係中環嘅食堂，晏晝定係夜晚都成日過嚟幫襯。d阿姐幾nice，雖然人多，佢哋都心平氣和。～～～係煎餃子同埋湯餃子掙扎咗一輪，由於生緊飛滋嘅關係，最後都係揀咗後者。龍鳳松茸雙灼餃，黑松露白松露味滿瀉，味道好特別，而且黑白松露嘅量好足，奢華感十足，但係價錢又貼地。～～～雙拼湯餃（粟米+大白菜）兩款經典嘅口味都各有千秋，粟米香甜味比較重，大白菜就比較爽脆，豬肉味夠濃，一次食晒兩款口味，啱晒我呢啲樣樣都想食嘅人。浸泡落狀元九鼎湯，感覺好養生健康。～～～同粟米餃一樣好香甜嘅仲有蜜餞雞翼，甜味唔係黎自白糖，而係蜜糖，好食得黎亦都健康，加上隻隻入味，令人吃不停口。～～～重慶鮮肉雲吞同四川涼皮嘅中辣都唔算過辣，鮮肉雲吞一口一粒，的骰可愛，食落扎實非常，足料皮薄。涼皮就清新低卡，OL最愛。～～～餐廳名稱：餃掂手工餃子雲吞專門店 (中環)」餐廳地址：中環威靈頓街55號地下