唐閣

喺TST Langham hotel 嘅3星米之蓮。第一次試，覺得環境好舒服，服務亦非常好。 我哋兩個人無叫套餐因為唔食燕窩(如果呢個係唯一嘅原因可轉其他羹)，而且鐘意揀乜都得。我哋叫咗焗釀螺同蟹蓋，百寶盒，叉燒，上湯菜心，XO醬腸粉同埋鮑魚炆麵。 每樣嘢都幾好食， 個腸粉好脆好特別。 唯一係個叉燒我覺得對我嚟講太多汁好杰，肉質唔夠滑。我比較鐘意食六國粵軒同益新嘅叉燒。 下次會試晚餐睇吓有咩其他菜式選擇。 今日係weekday, 12:15分到無乜人，所以好靜，啲枱隔得好開，好舒服。