鴻星中菜 (已結業)

訂左檯去食生日飯. 叫左四人帶子餐.先來竹絲雞湯,碗湯超大,起碼有2-3隻飯碗份量,飲完飽左成三份一!帶子王係好大隻,不過冇乜味!蒸斑好大條,六個人食都夠,味道都可以;炒貴妃蚌就正常size,味道亦ok;黃油雞就炸脆外皮,個糯米飯就唔算好"滯",甜品就有綠豆沙同埋微形西餅,都係一般;壽包就好大個,入面蓮蓉好滑唔太甜,蛋黃漏油,超超正!要提一下,生日來呢度食有著數,部份套餐有九折!另外就係送壽包!果晚我地四個人就送左四個大壽包!!結果食唔晒重要打包添!可能因為唔多人,服務幾好.如果生日來就最抵!