影片
更多
2025-01-06
0 瀏覽
一年一度生日梗係要揀間好餐廳慶祝，今次揀左係尖沙咀嘅「秋田鐵板燒刺身專門店」秋田二人前套餐 每人$888🥗季節沙律沙灘菜新鮮爽口，配上芝麻醬同水晶海藻，十分開胃🥚魚子鵝肝蒸蛋即場係鐵板上煮熟蒸蛋，蒸蛋入面有有鵝肝塊再加上蛋面嘅黑魚子，令到味道層次豐富🦞龍蝦+龍蝦清湯龍蝦超級新鮮，放上鐵板嘅時候仲識郁🤩師傅三兩下手勢就將龍蝦拆件，蝦頭嘅蝦膏作為醬汁倒落煎熟嘅蝦肉上，整個龍蝦精華濃縮係一啖裏面，非常好味！而取走蝦膏嘅蝦頭仲有作用，師傅為客人進行一場火燒龍蝦頭嘅表演，放上社交平台呃like一流，燒完嘅蝦頭會再放落清湯成為龍蝦清湯，鮮味十足！🍞南非鮑魚鮑魚火候控制得啱啱好，師傅仲幫我地切成薄片，一口一片十分方便，仲可以配上海帶同昆布忌廉醬汁一齊食，十分爽口惹味！🐟時令海鮮（可揀刺身/帶子）時令海鮮可以揀刺身或者煎帶子，兩個人可以一人揀一款刺身有三款，份量不俗，十分新鮮帶子煎得香脆夠厚身，再配上柚子胡麻醬黑魚子點綴，味道一流🪿煎鵝肝厚切鵝肝煎得外脆內嫩，比多士仲大仲厚，一入口鵝油充斥整個口腔，罪惡感爆登！🐮鹿兒島和牛薄燒卷/厚燒薄燒卷包住大量蒜片同香蔥，香氣滿溢，食落唔油膩。和牛厚燒，入口即刻感
一年一度生日梗係要揀間好餐廳慶祝，今次揀左係尖沙咀嘅「秋田鐵板燒刺身專門店」
秋田二人前套餐 每人$888
🥗季節沙律
沙灘菜新鮮爽口，配上芝麻醬同水晶海藻，十分開胃
🥚魚子鵝肝蒸蛋
即場係鐵板上煮熟蒸蛋，蒸蛋入面有有鵝肝塊再加上蛋面嘅黑魚子，令到味道層次豐富
🦞龍蝦+龍蝦清湯
龍蝦超級新鮮，放上鐵板嘅時候仲識郁🤩師傅三兩下手勢就將龍蝦拆件，蝦頭嘅蝦膏作為醬汁倒落煎熟嘅蝦肉上，整個龍蝦精華濃縮係一啖裏面，非常好味！
而取走蝦膏嘅蝦頭仲有作用，師傅為客人進行一場火燒龍蝦頭嘅表演，放上社交平台呃like一流，燒完嘅蝦頭會再放落清湯成為龍蝦清湯，鮮味十足！
🍞南非鮑魚
鮑魚火候控制得啱啱好，師傅仲幫我地切成薄片，一口一片十分方便，仲可以配上海帶同昆布忌廉醬汁一齊食，十分爽口惹味！
🐟時令海鮮（可揀刺身/帶子）
時令海鮮可以揀刺身或者煎帶子，兩個人可以一人揀一款
刺身有三款，份量不俗，十分新鮮
帶子煎得香脆夠厚身，再配上柚子胡麻醬黑魚子點綴，味道一流
🪿煎鵝肝
厚切鵝肝煎得外脆內嫩，比多士仲大仲厚，一入口鵝油充斥整個口腔，罪惡感爆登！
🐮鹿兒島和牛薄燒卷/厚燒
薄燒卷包住大量蒜片同香蔥，香氣滿溢，食落唔油膩。
和牛厚燒，入口即刻感受到油花，仲可以配埋碟邊嘅炸蒜片或者岩鹽海帶一齊食。
🍚🥬炒飯&炒野菜
師傅炒之前仲好細心，先問左我地要幾多飯，唔怕浪費👍🏻 個炒飯用左大量櫻花蝦，每啖都有濃濃嘅蝦味
🍨甜品（生日special)
甜品係綠茶味雪糕同即製紅豆銅鑼燒。兩樣一齊食，一冷一熱十分夾。
最後因為慶祝生日關係，師傳仲喺鐵板幫我哋喺鐵板寫咗生日快樂四隻大字+公仔生日碟，儀式感滿滿。
推薦大家生日都黎哩度慶祝，但記住如果有想要嘅公仔碟就要訂枱嘅時候講定。
0 瀏覽
0 讚好
0 留言
張貼
