The Pearl

男朋友話生日晚飯要食間有氣氛d嘅餐廳，所以佢揀左“The Pearl”⭐️Rosy Romance冷泡玫瑰茶，加埋新鮮蘋果汁同蜜糖，飲落好清新⭐️Wandering Voyage個面嘅foam係微甜嘅椰子味，飲落入面有入面有rum酒、班蘭糖漿、椰子，li個配搭好好飲，好啱我口味😋⭐️無花果帕馬火腿沙律帕馬火腿跟埋密瓜，最夾嘅配搭，沙律菜底上面放左巴馬芝士、松子仁及黑醋橄欖油汁，成個沙律嘅顏色好靚⭐️吞拿魚牛油果泡沫他他配自製羅勒油吞拿魚上面放左d黑松露同紅醬裝飾，吞拿魚他他有香草嘅味道，中間嘅牛油果泡沫好似溝左d檸檬汁，酸酸地，淨係個汁已經好啱水味，撈勻一齊食，仲有羅勒油嘅香味，味道好豐富，正！⭐️和風醬油大蝦煙肉扁意粉蝦好大隻、好彈牙，入面仲有d煙肉，個扁意粉有d咬口，調味好鮮味，無論口感同味道都好好食😋，飲完啖Wandering Voyage，再食一啖意粉，味道好似更鮮甜😂⭐️香煎牛封門柳肉味濃，唔會好硬，本身加左d黑椒調味，配埋自家制青醬，又有另一番風味，好fresh，薯蓉好香滑，正！