東方小祇園齋菜

營業中

休息中

朋友MJ係4月份生日 ，他話今年唔要生日蛋糕 ，要轉食壽桃包+齋 喎！主角話晒事，揀咗去灣仔《東方小祇園》做生日 ！是晚靚女車訂咗7:30pm樓上雅座。8個人點12款素菜~1.彿門齋鹵味(大$80) : 至愛甜酸齋，酸酸甜甜嘅口感。咖哩齋，唔太辣。素叉燒、素鴨、素鴨腎、素雞等等，味道剛剛好，唔太濃亦唔太淡！2.百花南瓜羹($75) : 有淡淡嘅南瓜香甜味，口感滑口，裡頭搭著素魚肉、紅蘿蔔粒、青豆等等,  美味可口！3.五柳仙班($75) : 芋頭魚外皮香酥，内饀鬆軟，入口即化 ，令人食指大動 ！4.酥炸大明蝦($75) : 酥脆爽口 ！5.菠蘿咕嚕玉($83) : 外皮唔夠脆，內裡素肉腍咗啲, 似豆腐多啲！6.黑松露錦繡炒飯($142) : 黑松露菌又香又濃，炒飯好爽，粒粒分明，加入雜菜粒，好好味 ！7.西檸香酥鴨($75) : 西檸醬汁酸酸哋，清新開胃！素鴨外皮酥脆，內裡鬆軟多汁！不過呢款素菜感覺一般，唔突出！8.蓮蓉欒樨餅(蒝荽餅) : 見到隔離枱客人食得津津有味，叫番碟甜品試下先 ！其實係水晶餅，分別有豆沙及蓮蓉兩款味道。是晚只剩番蓮蓉味，餅皮太