肉多多火鍋

餐廳來自台灣，陳獲得多個獎項，而第一間海外分店揀咗喺香港開，除咗提供多款特色肉類之外，仲有唔少街頭小食、甜品等供應，希望可以俾客人享受到道地嘅台灣美食。淨係湯底已經有唔少選擇，招牌爆炒海味石頭湯以數種海鮮及蔬菜調製，搭配爆炒培根豬，油脂四溢，帶麻油香氣，味道鮮甜濃郁。建議先品嚐湯底同肉塊再加湯打邊爐。私心推介大胃王三層架，包含頂級低脂牛、頂級霜降牛同澳洲和牛，一次過食齊三款特色牛，低脂牛中間有層透明嫩筋，肉質軟嫩帶脆感、霜降牛即係牛頸脊，牛味突出、和牛入口即化。慶祝生日嘅不妨叫埋個生日肉蛋糕，打卡一流，係視覺同味覺嘅雙重享受，豬肉肥瘦均勻，帶咬口，估唔到都幾飽肚。最後記得留肚食埋甜品先好走，將雪糕撈埋台灣經典配料，正。