影片
更多
2019-05-02
3162 瀏覽
屋企人生日，嚟食自助餐冷盤選擇有刺身壽司，雖然種類唔算多，但係都係啲大眾類型三文魚同吞拿魚夠哂凍同新鮮，又唔會雪到乾哂另一邊有啲火炙壽司，揀咗帆立貝同三文魚幾鮮甜，細細件又唔會食濟生蠔同長腳蟹都多人拎，而且生蠔有3種唔同品種，開好哂放係冰上面，職員幫你夾，條隊都快愛爾蘭嘅肉質爽口較甘甜，法國嘅比較重海水味本身嚟之前以為係原隻開邊龍蝦，點知原來係龍蝦沙律，釀入去個龍蝦殼度好彩龍蝦肉都幾多，加上蟹籽，粟米，青瓜，沙律醬等撈勻，幾好食最搞笑係面頭仲有啲透明嘅燕窩絲，雖然冇咩味道，但係夠豪華到時候會有個職員手拿住個鈴鈴，行足全場，提醒客人有好嘢食過去排隊嘅時候已經好多人，原來係限量嘅鹿兒島和牛，職員即刻切俾你牛肉味道濃郁，脂肪都夠豐富即叫即製手卷叫咗三文魚手卷，喜歡佢紫菜新鮮夠晒脆，最後DIY加上係刺身區拎嘅三文魚，甜蝦同蟹籽，令到手卷肉嘅比例倍增(覺得自己都砌得幾靚架雲呢拿梳乎厘係光波爐入面拎出嚟，香甜好食唔太膩，質地好fluffy甜品選擇都幾多，不過除咗拿破崙之外其他都麻麻雪糕揀咗乳酪味同焦糖燉蛋，乳酪味好酸，係堅乳酪最後嘅章魚小丸子好似食宵夜咁出場，雖然好邪惡，但係又熱辣辣好吸引，忍唔住
冷盤選擇有刺身壽司，雖然種類唔算多，但係都係啲大眾類型
三文魚同吞拿魚夠哂凍同新鮮，又唔會雪到乾哂
另一邊有啲火炙壽司，揀咗帆立貝同三文魚幾鮮甜，細細件又唔會食濟
生蠔同長腳蟹都多人拎，而且生蠔有3種唔同品種，開好哂放係冰上面，職員幫你夾，條隊都快
愛爾蘭嘅肉質爽口較甘甜，法國嘅比較重海水味
本身嚟之前以為係原隻開邊龍蝦，點知原來係龍蝦沙律，釀入去個龍蝦殼度
好彩龍蝦肉都幾多，加上蟹籽，粟米，青瓜，沙律醬等撈勻，幾好食
最搞笑係面頭仲有啲透明嘅燕窩絲，雖然冇咩味道，但係夠豪華
到時候會有個職員手拿住個鈴鈴，行足全場，提醒客人有好嘢食
過去排隊嘅時候已經好多人，原來係限量嘅鹿兒島和牛，職員即刻切俾你
牛肉味道濃郁，脂肪都夠豐富
即叫即製手卷叫咗三文魚手卷，喜歡佢紫菜新鮮夠晒脆，最後DIY加上係刺身區拎嘅三文魚，甜蝦同蟹籽，令到手卷肉嘅比例倍增(覺得自己都砌得幾靚架
雲呢拿梳乎厘係光波爐入面拎出嚟，香甜好食唔太膩，質地好fluffy
甜品選擇都幾多，不過除咗拿破崙之外其他都麻麻
雪糕揀咗乳酪味同焦糖燉蛋，乳酪味好酸，係堅乳酪
最後嘅章魚小丸子好似食宵夜咁出場，雖然好邪惡，但係又熱辣辣好吸引，忍唔住拎咗兩粒
張貼
