海都海鮮酒家 (已結業)

生日當然要食餐好,參考了大家的意見,結果去了kc提過的海都!本來只有3人,到最後竟然來了6人!!本來想食黄油蟹,到最後已售罄!!結果點了以下6個小菜.雞煲翅$628(1份),份量好足,魚翅好粗,不過高湯比魚翅城遜色.(一份通常4位用,但分6位都唔會失禮.) 蝦子柚皮$56(2件),唔錯.蒜片牛柳粒$60,牛柳好'冧'好有肉味,肉汁亦多,蒜片炸至金黃色,好香口! 百花蟹拑$45(1隻),好"正",好大隻(如咸水角size),炸至金黄色,唔識形容,一個字'好'.銀雪魚$98,肉厚,清甜,有2大片唔錯.豉汁雙果炒圍蝦$98,都幾,不過雙果係腰果同白果(銀杏),生日好似唔係太多意頭!好唯一失望的是陳皮生煎雞$140(半隻),賣相好靚但唔夠味.茶芥加一共$1718.ok啦.仲會見到明星,我見到郭富城!! 相會後保