嵯峨野

營業中

休息中

疫情下既生日真係無咩可以做，所以唯有揾間靚靚地既餐廳食返餐好既。之前食過匿間酒店自助餐覺得都唔差，加上會員有七折，所以一早book定位。仲一早同餐廳講係慶祝生日，查詢有無生日蛋糕或者甜品可以加名。佢地可以加50蚊寫祝福語，但就唔會安排蛋糕。如果唔加錢就會有個生日紙牌放上甜品度。之前上open rice睇見佢係有自助餐嗰D蛋糕仔上加生日紙牌，咁都ok。到當日食完成餐，到上埋甜品，甜品又無嗰個生日快樂既紙牌，所以就問下生日安排嗰個甜品係咪已經餐𥚃面包咗嗰個，只係唔記得落紙牌。之後佢幫我查吓就再上返多個甜品加返嗰紙牌落去。其實唔係貪佢個甜品，係想生日影下相，點知安排有點失望。之前聽電話嗰位話幫我mark底，但原來mark咗都唔睇既。而且當日跟餐嗰甜品係有雪糕同生果揀，我地就揀咗雪糕。點知佢補返嗰生日甜品又比幾球雪糕我，如果佢有留意我話係生日，咁其實就可以分開一份雪糕，一份生果。其實安排一個自助餐嗰種細細件蛋糕都唔係好難既事，但酒店就無咁既安排，所以有D失望。講真佢其他食物不過不失，又唔係差但又唔係好特別咁。叫咗兩個鐵板燒，一個定食，其中有D食物無影相。