榮記(東成)飯店

營業中

休息中

朋友們同某人食生日飯，為咗要就遲放工嘅朋友，大家揀响佢哋返工嗰區，鵝頸橋熟食市場嘅榮記，好幾年無嚟呢度食嘢嘞，上到去依然係人頭湧湧。某人已經諗定食咩，坐低就落單。沙薑雞腳夠腍又入味係有幾隻煮爛咗，唔靚啫。魚香茄子煲送飯一流茄子仍保持紫色，肉碎都有份量，味道唔錯，係爭咁啲咸魚香。涼瓜鮮魷夠鑊氣，涼瓜新鮮味甘，魷魚有彈性，配豉汁炒好夾，送啤酒最豉椒炒蟶子，蟶子好肥美，配料主要係洋蔥，豉椒好少，唔夠惹味，可惜。鎮江豬仔骨有大有細，以前係支支都咁大架汁還汁，肉還肉，唔掛嘅，要拿住支骨係咁碌先至有味，已經唔係當年必吃嘅模樣。啫啫芥蘭水準依然，顏色翠綠，香噴噴又爽脆蠔餅普普通通，蠔仔大隻嘅，但係無薯粉嘅軟韌口感，亦無咩蛋味，脆而不香唔知個蟹飯又如何呢？有機會再試試佢。