榮記(東成)飯店

營業中

休息中

星期五晚上6點2嚟到，當時已經好多食客，成個場已經半滿。到7點尾，我地食完離場果陣全滿之餘，仲有人等位😯完全FEEL唔到所謂香港餐飲業有危機呢件事。睇左好多食評，絕大部分人都一定會點兩樣野，分別係XO腰果蝦乾銀魚同埋椒鹽鮮魷，聽聞有時鮮魷仲會賣哂，而改為魷魚鬚添，所以想食嘅話，真係要趁早!! 😏其次比較多人推介嘅係豉油皇炒麵、炸蠔餅、鎮江豬仔骨，由於實在太多野想食，加上價錢十分相宜，所以兩個人叫左四樣野，最後食唔哂，要打包😆XO腰果蝦乾銀魚$118雖然佢個樣同配料都似小炒王，但大家小心唔好叫錯🤓。 個人覺得呢個小菜無小炒王咁鹹；XO味唔濃；炸到脆卜卜嘅銀魚幾大條；另外仲有蝦乾、腰果。唯一缺點係韭菜花切得太短，有D難夾。椒鹽鮮魷$118呢個小菜上枱果陣真係好香魷味，食落亦不負所望，鮮魷雖然唔厚肉，但真係好魷香!! 😋炸粉唔厚，食落油膩感唔重；略嫌鹹左少少。咕嚕肉$78呢個小菜熱到辣口😳個汁偏酸，份量幾多，而且食落唔會成舊炸粉，依然食到大大粒肉。豉油皇炒麵$58呢個略為遜色左少少🙉，無乜鑊氣，但勝在大大份，最後食唔哂果個就係佢。四款食物另加一罐可樂，合共$382。嚟呢度食野一定要有心理準備

尋晚喺灣仔搵宵夜食，就黎左鵝頸橋街市上面大排檔，先叫啲野食送下酒😅😅沙薑雞腳，沙薑味夠，雞腳夠淋👍🏽椒鹽九肚魚，椒鹽鮮魷，下酒一流👍🏽👍🏽👍🏽仲有炸大腸，夠脆夠香😋😋星洲炒米都好食，夠晒鑊氣，仲有個好惹味既，XO腰果蝦乾魚仔，入面有啲蝦乾、魚仔乾，好香口，好好味，不過可能太夜先黎到，有幾樣想食既餸都沒有了🤦🏽‍♂️🤦🏽‍♂️唯有下次早啲黎再食過，飲左好多枝啤酒，飲飽食醉，回家好好訓😂😂

一行5人行完山去到銅鑼灣上去熟食市場搵飯食，7點上嚟已經坐滿場，好彩等咗一陣就有位，呢到勝在有冷氣，鑊氣夠，價錢合理，分量都正常，係地方坐得迫d, 同環境比較嘈吵同貼地d😅 今晚叫嘅每樣餸都覺得好食👍叫埋啤酒汽水都係$800太抵食啦😍蠔餅$78蠔仔大粒唔腥👍 炸得好鬆脆入口好輕身😋鎮江豬仔骨$88先炸香口，再沾上香濃帶酸酸地的鎮江汁，十分香口惹味👍XO 腰果蝦乾銀魚 $118銀魚仔腰果炸得超脆香口，整碟菜炒得夠鑊氣又唔覺太油膩😋 少辣不咸味道惹味👍咕嚕肉 $78食到大大粒肉，炸粉好少脆口，唔會成舊炸粉包住食粒粉咁，個汁酸酸甜甜好開胃😋椒鹽鮮魷 $118炸粉好薄好脆，魷魚肉厚但不韌👍豉油皇炒麵 $58見好多枱都有叫呢款，碟碟出品都好大碟🤩 就叫一碟試下，又真係炒得入味得嚟好乾身，食落一d都唔會覺得油膩😋椒絲腐乳通菜 $58菜炒得夠惹味，食落有d辣。 呢到可以成為我地日後港島區行山後嘅飯堂😝

間餐廳久負盛名，終於搵到機會過來一試究竟。嗌嘅都系正路野，小炒皇、椒鹽鮮魷之類，餸啤酒一流。小菜味道方面，鍋氣十足，新鮮熱辣，但以笠個價錢同份量來講，性價比略顯不足。環境方面，可能系晚市，人頭湧湧，非常吵雜，雖然預左大排檔系差不多情況，但喧囂聲之大都超過預期，最好食完即閃。總而言之，路過可以一試，但無需專門過來。

鵝頸橋街市日頭係由咖哩羊腩飯，燒鴨，魚餅同埋牛雜各領風騷。而晚間搖身一變，全層都變成榮記嘅天下~嚟到必點 XO 腰果蝦乾銀魚！表面上好似小炒王，但佢嘅蝦乾鮮味唔太乾，銀魚夠脆身，好食！（呢個係貴過小炒王20蚊㗎~）椒鹽鮮魷 經典大排檔小菜，脆口又鹹香用嚟送酒一流薑葱生蠔煲 份量足大大隻，夠惹味又有鑊氣，啲生蠔仲係脹卜卜肥肥的~ 😍呢度竟然有少見嘅砵仔焗魚腸！蒸起熱辣辣加少少胡椒粉一齊食，令我完全改觀冇晒以前嗰種腥味壞印象，外脆內嫩又帶點魚肝嘅鮮香，不錯！椒絲腐乳通菜牛肉 好 raw，個人覺得啲菜就老咗少少豆腐x魚湯 - 無乜味，飲了個寂寞價錢實惠，開到兩點，宵夜好去處（悄悄話：有冷氣~）

現在能吃宵夜的地方不多，最近就發現了一家灣仔餐廳能開到凌晨兩點，就是在鵝頸橋街市熟食中心一樓的榮記。雖然同層有不同食肆，但晚上開始至凌晨兩點，只有榮記一家開舖，所以所有桌子都是榮記的客戶可使用，位置非常充足。濕炒牛米（$68）大排檔格局，首選乾炒牛河，但是日河粉已賣光，所以選了濕炒牛米。牛肉大件嫩滑，米粉煎過有燶邊，配汁真的超級好味。豉椒炒蜆（$88）豉椒炒蜆，微辣，是卜卜蜆，非常肥美，暫時是我在不同大排檔吃豉椒炒蜆吃過最肥美的炒蜆。金針雲耳蒸滑雞（$78）金針雲耳蒸滑雞，雲耳非常入味，部份細件雞件會比較滑，雞胸則有點嚡。菜心炒牛肉（$78）菜心炒牛肉，牛肉與濕炒牛米的牛如出一轍好味，菜心亦非常新鮮，不會炒得過腍。晚上宵夜到榮記氣氛真的不錯，不過略嫌有煙味，周圍環境比較大所以嘈吵。

碩果僅存傳統大排檔今次試咗鎮江豬仔骨鹹菜豬肚雞煲八珍豆腐煲鎮江豬仔骨味道有驚喜酸甜適中鹹菜豬肚雞煲份量足材料樣樣都好多味道還可以八珍豆腐煲材料多又豐富有紅燒豆腐，豬肝，魷魚🦑，肉片，蝦仁再加上翠玉瓜作點綴成餐嚟講都好滿意，價錢親民

今晚諗唔到食咩，就去咗依間大排檔食對比起其他大排檔，呢度環境通爽，都幾乾淨，地下唔會濕笠笠黐笠笠，同埋坐得到舒服。第一碟上嚟嘅係蝦醬炒通菜，蝦醬味濃郁，唔會好鹹，食落啱啱好第二碟上嚟係生炒骨，比想像中幾酸吓，不過連埋啲肉一齊食，中和到，啖啖肉，份量都幾多。跟住就係椒鹽鮮魷，就咁食幾好食，個醬係生炒骨個汁黎，點完醬之後反而覺得唔夾，好似食緊咕嚕魷魚🦑茄子🍆牛仔骨原本睇個名伏伏地，點知上到嚟好惹味，送飯一流，茄子好食，入晒汁，牛仔骨拖過油，口感好正生炒牛肉飯一黎到已經好大陣炒焦左既焦味，跟住都試左一啖，滿口焦氣味第一次係大排檔會食到焦味炒飯整體小菜好食，炒飯唔得

心血來潮，突然間想食乾炒牛河，好彩太太又肯陪我出嚟。 本來想去茶餐廳。 行去天樂里的途中，記得好久以前在樓上吃小炒， 老婆着條靚裙，但也不反對大排檔，所以和她上來吃晚餐。時間大約六點已經差不多坐滿。還有一張小枱給我們。馬上叫了乾炒牛河，椒鹽九肚魚及一支青島啤酒。太太喝一杯，真的是很relaxing 的事情。牛河份量足夠，非常夠鑊氣。少許油，預咗。炒得非常均勻。九肚魚炸得好乾身。隻碟食完係乾嘅。外脆內軟非常出色。再來一碟炒蜆。份量充足，成碟有兩隻有少許沙，但可以接受。沒有死蜆。服務很快手，餸菜都好快送上。見到有其他小炒都很多人叫。老婆說要帶埋阿女再來，吃田雞，蒸魚腸，及魚雲煲。坐的時候大約八點，已經出現人龍排隊。喝了三支啤酒，過了一個非常浪漫的晚上。

今晚同男朋友去食飯,有位女侍應過嚟寫單,介紹我哋食蒜蓉粉絲蒸大蟶子話今日做特價$168有4隻,咁我哋咪叫咗黎食,點知道埋單後老闆話今日冇做特價要$208埋單,連張單到係寫住$168,好似比人搵咗笨,以後都唔會再去食

之前跑了去九龍灣食大排檔，原本我平日經過的鵝頸熟食中心都有。榮記飯店 晚上時段非常熱鬧，感覺很地道。因為朋友經常來吃，所以就由她來點菜囉。上菜速度不算太慢。✨蒜蓉粉絲蒸大蟶子 (時價)看起來很吸引，但吃落就強差人意。蟶子近乎韌到咬不開，侍應說是因為要煮熟點怕客人拉肚子 ... 但舖面的粉絲又非常乾。✨脆皮炸大腸 ($98)脆是幾脆的，不過吃落有微微的腥味。🦑椒鹽魷魚鬚 ($78)沒怎吃到椒鹽味，炸粉不算太厚還好。🦀避風塘炒蟹 (時價)要說這頓飯最好吃的大概就是這蟹！兩隻蟹都幾大隻，肉質鮮美也有膏，而且炒得超香。每一口都很惹味，辣得很好吃。另外也有點到炒飯、炒菜和芥蘭，吃落普普通通沒有特別驚喜。最後埋單加上開了幾支啤酒，平均每人$250。朋友都有感食物質素比以前差了不少。

去呢間野叫左三樣餸：咕嚕肉、椒鹽魷魚鬚、啫啫通菜煲。咕嚕肉都黎得快，但椒鹽魷魚鬚等成30分鐘先黎。問啲員工點解咁慢，佢地就話：炸野系要等耐啲架啦，等下啦後生仔。咩事？有時間串客人，無時間吹廚房？好野喎佢地，椒鹽魷魚鬚真係逐碟逐碟出，而唔係全部一齊炸。serve餐次序錯曬，後面個台黎先叫嘅野一樣，但比左佢地先，我地仲要等多15分鐘。都未完，啫啫通菜煲系要再等多半個鐘先有。本身已經諗住叫賣單，個煲野就上菜。一望落去，啫啫通菜煲啲肉連一兩都無，碟野仲要凍嘅，成隻手掂住個煲都唔覺熱。佢最好野嘅地方系半個鐘前佢地出到蝦醬通菜炒牛肉、鮮油炒通菜，一碟最basic嘅啫啫通菜煲都出咁耐。$234蚊三碟餸，前後食左1個鐘15分鐘，無下次🙏🏻🙏🏻

以前真係好好食,如果唔怕嘈,呢個係一個幾好聚腳,一邊食嘢,一邊飲啤酒嘅好地方！其實疫情之後都好少嚟食！係近排呢咗幾次,第一次好食！但都係冇以前咁好食！第二第三次就嘛嘛啦！但又唔難食嘅！有啲幾好味,有啲好好一般！總括嚟講維持唔到水準！不過焗魚腸/蝦醬炒通菜/豆腐魚頭湯/椒鹽蝦,都好食！蒜香骨/椒鹽鮮魷/蒸魚/豉油王炒麵/炸大腸，就一般般啦！不過你唔好理佢好唔好食,但佢依然係勁旺！希望下次嚟食,變返好食啦😂

椒鹽豆腐，炸得太過火，食落有D燶味。椒鹽九肚魚，九肚魚食落熱辣辣，一如既往魚骨都係直接食得嘅。但D炸蒜又腍又室溫嘅，九肚魚、炸蒜兩樣嘢簡直係分開嘅，食落唔夠香口。中式牛柳，好夠腍，調味好味。鎮江豬仔骨，酸May May，啖啖肉。芥蘭牛肉，食落無聞落咁香。Sunkist OJ，估唔到飲落係無汽嘅。可樂。白飯3碗。

7 Jul 2023今手一共三個男人食大排檔來到咁出名嘅鵝頸橋一叫咗個蠔餅，正常味道，油多就一定架喇，咁先好食架麻，唔期望有咩特別。過得去啦椒鹽魷魚酥比我想像中好，但椒鹽味不重，魷魚起碼唔梅先，算係爽口嘅，不錯👍🏼招牌菜：炒麵真係好好食，好夠火候鑊氣！啖啖都係鑊氣味，係我食過嘅炒麵中最好食嘅。愈簡單嘅食物愈難做得出色，佢就做到了 🤤果然名不虛傳韭菜豬紅，十分普通，調味一般，打冷舖好多都好食過佢，可以唔駛再試🤭呢個好好食，好似食極都仲有咁，用來餸酒 一流！辣辣地，配埋啲銀魚，會令人忍唔住食完一啖又一啖，太膩又可以食返啲韭菜中和返。雖然坐得唔舒服，但講到明，大排檔丫嘛！仲想環境有幾好先！？Overall係抵食，又靚，味道普通不過不失啦，食氣氛丫嘛！一人都係178蚊，飲埋幾支大啤，差唔多啦。