Brotzeit German Bier Bar & Restaurant (形點 I) (已結業)

今年首餐生日飯揀左yohomall入面既德國餐廳，呢間係我在yohomall入面第一間試既餐廳，點左一個拼盤（德國腸 有辣有唔辣，幾好味 /豬手 皮脆，如果有酸酸地既汁配上會無咁膩/豬肋條 個味道幾好 送酒一流）份量都幾大，再跟多兩款自選配菜（揀左薯蓉好香好味，咩餃子，我個人就麻麻地），點左個田園沙拉（份面有薯蓉，幾好味）點左個唔記得咩名魚柳，做得幾好食，連配上的薯仔都係好好味，點左個ham ，最上有塊小芝士，下面有塊包，包偏硬，但一齊食個味道幾好，點左兩杯德國啤（0.5L)好香麥味，老公話好飲。整體感覺良好 侍應服務好 在場有外國人彈風琴，好有氣氛，令到成餐飯好輕鬆，絕對有下次的餐廳。唯一美中不足係我地坐在近商場枎手電梯位置，好焗，眼見格離桌都要用餐牌扇涼。