九五茶座 - 放宮樂園 (已結業)

今日去左間位於九龍灣megabox既九五茶座食lunch,之前都聽過好多朋友介紹佢地招牌小食~生炸雞脾，今日終於可以試到啦，餐廳原來有得食仲有好多懷舊精品同遊戲，最特別既係有個蒙面超人卷裝廁紙同眼罩，真係好正。另外仲有好多部夾公仔機，彩虹池，藍球機 ，如果有小朋友，實開心死佢地，假期帶佢地黎放下電就最啱，而且佢地有個$200全日任玩卡，可以不停咁夾公仔，爽！講番野食先，我一行4人，叫左個生炸雞脾，芝士西多士，小食摩天輪，當然最正就係佢地生炸雞脾，即叫即炸夠晒惹味，聽餐廳負責人講，原來雞脾會早1日用秘製配方醃好，有客人order時候就會即炸，所以食落好多汁，而且無冰鮮味，只有早期茶餐廳先會咁做，至於另一推介就係佢地芝士西多士，芝士夾係多士中間，放落口度，d芝士味係口中溶化，口感豐富，整體黎講，餐廳以早期港式冰室烹調為賣點，食落又真係好有個味道。值得。