影片
更多
2024-04-27
180 瀏覽
今日咁啱個朋友喺上環放工，就去咗佢公司附近搵嘢食。唔想太Heavy所以行過見到生煎包就行咗入去。入到去發現雖然鋪仔細細，食物選擇種類都幾多。叫得生煎包專門店，當然唔可以唔叫佢嘅招牌生煎包啦。我哋仲額外加咗雞絲粉皮同上海排骨菜飯。唔使幾分鐘，個排骨菜飯已經到咗。個排骨嘅味道唔會太鹹，個炸皮亦都冇同舊肉分離，咬落去係好鬆軟，完全唔韌，都算係食過之中，數一數二嘅炸排骨。個菜飯就正常發揮，個菜同同個飯嘅比例唔會差太遠。食到一半個雞絲粉皮就到啦。佢比嘅麻醬完全唔孤寒，配上青瓜絲嘅爽脆，真係好好食。佢嘅雞絲亦都好夠份量，如果佢個粉皮份量再多啲都可以清晒！跟住就係期待已久嘅生煎包。佢嘅包皮唔會太厚，而個包底係煎到好香脆。佢嘅肉餡亦都好多汁，完全想像到點解佢係招牌賣生煎包。一路食一路聽到有好多人嚟買，賣到個蟹黃生煎包斷晒市！下次真係要叫個蟹王試一試。食食吓都忍唔住叫咗兩杯豆漿飲，都係普通豆漿冇乜特別，不過嘢食嚟講就真係一流。我朋友食完之後都話以後lunch多咗個新蒲點，可以返去再食！
叫得生煎包專門店，當然唔可以唔叫佢嘅招牌生煎包啦。我哋仲額外加咗雞絲粉皮同上海排骨菜飯。
唔使幾分鐘，個排骨菜飯已經到咗。個排骨嘅味道唔會太鹹，個炸皮亦都冇同舊肉分離，咬落去係好鬆軟，完全唔韌，都算係食過之中，數一數二嘅炸排骨。個菜飯就正常發揮，個菜同同個飯嘅比例唔會差太遠。
食到一半個雞絲粉皮就到啦。佢比嘅麻醬完全唔孤寒，配上青瓜絲嘅爽脆，真係好好食。佢嘅雞絲亦都好夠份量，如果佢個粉皮份量再多啲都可以清晒！
跟住就係期待已久嘅生煎包。佢嘅包皮唔會太厚，而個包底係煎到好香脆。佢嘅肉餡亦都好多汁，完全想像到點解佢係招牌賣生煎包。一路食一路聽到有好多人嚟買，賣到個蟹黃生煎包斷晒市！下次真係要叫個蟹王試一試。
食食吓都忍唔住叫咗兩杯豆漿飲，都係普通豆漿冇乜特別，不過嘢食嚟講就真係一流。我朋友食完之後都話以後lunch多咗個新蒲點，可以返去再食！
張貼
