羽田日本料理 (已結業)

下晝仲要考試,有近三個鐘的食飯時間,就落大圍食晏...要在學生lunch time前食,以免又要等位...入去,即刻有人問我食乜,我話:「睇睇先...」我一坐低,佢又問我食乜,自己睇都未睇,點答佢=.="點左五件三文魚壽司+拉麵,餐飲得汽水或麵豉湯,唯有飲可樂...先黎五件三文魚壽司...長到拖碟的三文魚新鮮,壽司飯都夠穩固,惜三文魚切得比較薄...之後黎的係拉麵,份量一般,拉麵冇比湯浸腍,唔算彈牙但咬口仍在...湯係味噌湯底,味濃,但唔算好鹹...最後的係甜品,啫喱加花奶...估計係用啫喱粉整果d,不過都ok的...環境都叫幾好,放左d日式擺設...但服務就麻麻,入到去冇人斟茶,趕住要人落單,埋單又冇人應...但對熟客完全唔同,即刻有人斟茶遞水,慢慢落單,又好禮貌,隨叫隨到...生同熟始終唔同...