餇記冰室

營業中

休息中

最近好多好友推介我去餇記冰室話呢到係好多生酮餐，我覺得可以同謙謙食下睇下有咩唔同。呢到門面睇落同一般茶記冇咩唔同，都係有快餐果d 選擇。咦！但睇真d 餐牌內容，原來佢地好有善心， 有愛心飯劵賣，仲定時派飯添，我見都好多公公婆婆用飯劵換飯和湯座低慢慢食。*酮福堂 x 餇記冰室* 佢地全港首創生酮茶記系列我地就點左⬇️⬇️⬇️💟 首創生酮沙嗲牛肉蛋白湯麵配餐肉煎蛋 + 生酮厚椰奶茶 ～ 沙嗲牛肉味道濃郁， 蛋白麵口感爽滑幾qq ， 奶茶香滑中帶點椰奶香。💟 首創生酮生炸豬扒蛋白湯麵配火腿奄列 + 生酮厚椰拿鐵 ～ 炸豬扒即炸香酥肉嫩， 火腿奄列正常發揮。💟 首創生酮西多士配生炸大雞髀 ～ 西多士切開酥脆外皮的脆聲再淋上生酮糖漿與牛油半溶後拌勻，甜香可口口感鬆軟，即生炸雞髀外皮超酥脆一咬流哂肉汁好惹味添。