悅滿軒

嚟食法國餐點可以唔叫翻幾隻生蠔試試佢啊😗我今次叫咗佢哋主打嘅愛爾蘭生蠔同太平洋黃水晶生蠔各兩隻^_^個愛爾蘭生蠔叫做Louet Frissero ，太平洋黃水晶生蠔就叫做Yellow Gem，可以見到每隻壕雖然未去到最肥美但都好大隻，我比較鍾意個太平洋黃水晶生蠔Yellow Gem，味道更清爽比較淡金屬味^_^主食叫咗個法國家鄉焗煲配黃油雞，有原隻嘅黃油雞 帶濃濃嘅雞油香味🐔食到雞髀位就更加嫩滑啦🥰醬汁係番茄牛油醬酸酸甜甜好開胃，另外個醬汁都加入左超多配料，有切咗半嘅紅蕃茄 洋蔥 鷹嘴豆 ，所有配料都煮到好軟稔好入味，加埋表面撒咗大量芝士碎就更惹味^_^