重房

營業中

休息中

早排去完日本，好似仲未食得夠壽司咁樣，今日老婆又話要食阿媽家姐(好彩月中仲有啲錢)，餐廳位於銅鑼灣地段，但係價錢亦都唔算特別貴！Menu如下:白酒番茄啫喱海鮮茶碗蒸鯖魚拖羅磯燒鮑魚銀鱈魚西京燒六貫壽司🍣昆布烏冬甜品前菜嘅茶碗蒸蒸得好滑，中間完全冇留有空氣咁形成氣泡，好食！刺身方面：鯖魚黎自九洲，師傅話因為佢游水比較快，所以魚味無一般嘅咁重咁腥。拖羅顏色粉紅，脂肪比例較高，魚香持而恰到好處，魚油脂非常甘香！六貫壽司包括：赤貝、甜蝦、真鯛、深海池魚、秋冬魚、北海道海膽！甜蝦配上蝦頭膏令人印象深刻。赤貝比一般食到嘅厚身。真鯛夾上牙蔥都幾清新。秋刀魚亦都告別咗一般嘅腥味，配上薑蓉真係最佳。最後由海膽結尾真係大滿足，橘橙色嘅海膽肉入口即溶。熱食有西京燒同昆布烏冬，西京燒帶上甜絲絲嘅口感，油分充沛。用上秋田縣嘅烏冬，幼身得來又帶點彈牙，湯底全部都係昆布嘅清甜！