炊豕店 (曉悅) (已結業)

最近福華街一帶都開咗好多好有心思好特色嘅小店， 早兩日經過，見佢嘅店鋪裝飾都幾得意，主要係食豚肉，唔知水準如何， 估唔到又真係幾有驚喜<秘製豬扒配湯米線>豬扒真係好新鮮、好鬆脆、脆漿唔算好厚 ，而且分量相當之大。湯米線湯底都幾好清甜， 米線爽口！ 湯底鮮甜胡椒香味好突出<傻豬拌麵 沖繩豬軟骨>豬軟骨炆得好淋好夠味， 豬軟骨入口夠淋 同埋黏口，味道調配得剛剛好。鹵水拼盤有鹵水蛋、鹵水雞翼、鹵水豬腸、鹵水豬耳等等，而且仲有酸酸地嘅大豆芽，真係十分醒胃！