壹碗麵 (已結業)

蛇年最後一日，決定同同事出去食個午餐等放工。本來諗住去食日本咖喱，點知已經收左爐。轉戰對面壹碗麵試下。鋪頭唔算好大，但勝在唔會迫迫夾夾。都可以坐到20人左右。我叫左麻辣魚腐蛋幼麵(魚腐，豆卜，枝竹，每樣都有3舊，仲有銀魚仔同蘿蔔。)跟餐仲有湯同飲品。豆卜係長方形嗰隻比正方形嗰隻，枝竹都唔係炸都乾哂嗰隻。銀魚仔雖然浸左係d湯度，但依然好脆。麻辣湯底唔算辣，係有小小輕微嘅辣。碗麵嘅分量都幾多，食哂成碗其實好飽下。同事仔叫左豬軟骨撈QQ粉同羅漢果水佢個餐可以揀飯，QQ粉，粗麵or幼麵，都係有湯同飲品。雖然佢碗麵無我嗰碗麵咁多料，但我見到有成6,7舊豬軟骨。試左佢一舊豬軟骨同小小QQ粉。豬軟骨好淋，好夠味。QQ粉個樣有d似粗左嘅油麵，不個佢嘅口感唔似油麵，佢係煙un彈牙嘅。食得岀佢嘅食物係用心樣時間去煮之外，佢嘅湯同飲品都一樣。跟餐嘅湯唔係淡而無味嘅味精湯，應該係左好耐嘅豬骨湯。飲品方面，我地無叫汽水奶茶。薑茶同羅漢果水都唔係沖嗰d，係真材實料仲煲嘅。其實宜家仲有幾多間餐廳係會用心到上至食物下至湯同飲品都係用心自家整嘅呢，所以呢間小店值得再次光臨。