一木小料理 (已結業)

星期六晚要搵地方食飯從來都唔容易，好食嘅就好多人排隊，唔想多人就要好早出門口。今個星期心裏面一直都好想食明太子玉子燒，上網搵過知道灣仔有間咁樣嘅小店，特登六點半左右就出，訂枱七點鐘，喺附近行咗一陣就過去食飯。見到食評有人覺得係份量太少，或者太過家庭feel, 我自己又覺得OK喎，講到尾人哋都係收$108一份，覺得咁樣嘅價錢，係呢個位置佢哋已經做得唔錯。我最期待嘅明太子玉子燒，坦白講係有少少失望，心裏面一直都覺得尖沙咀嘅另一間日式拉麵店xx安做得好好食，可能咁樣令到期望過高。 主菜要咗一個豬軟骨，蝦子餅要咗咖喱牛，整體上味道都可以，只係豬軟骨太鹹，應該係不停蚊嘅時候冇再加水。埋單計埋+1 $250，個人覺得非常合理。而且店員都好有禮貌，下次經過灣仔會再嚟。溫馨提示一下，男士一份可能唔夠食，可能要再散叫其他嘢。