釧

營業中

休息中

廚師真係好細心同用心！佢地唔止會做出好味嘅菜式，仲會細細心心咁介紹每一件壽司嘅來源同種類。每一個細節都令人驚喜！今次同屋企人係半島酒店慶祝生日～ 餐廳嘅服務真係一流，而且廚師嘅菜式更係無得挑剔！尤其係季節限定嘅楓葉甜品，真係精緻得令人捨唔得食。最令我哋印象深刻嘅前菜有炙燒白子同黑松露茶碗蒸龍蝦。炙燒白子嘅味道好特別，入口即化，令人回味無窮。而黑松露茶碗蒸龍蝦就更加豪華，龍蝦肉鮮嫩多汁，加上黑松露嘅香氣，真係好滿足！仲有魷魚壽司，佢將魷魚切成飯絲嘅樣子，真係好特別嘅刀工！魷魚嘅鮮味配上少少鹽同埋切成飯絲嘅刀工，味道真係好好！深海池魚都好好味好新鮮！醋青魚同白板昆布一齊食，嘗試出嚟嘅味道酸酸地好特別，醋青魚嘅酸味同昆布嘅風味真係好搭配！帆立貝絕對會令人讚不絕口！超級新鮮好味！當然唔少得池魚同吞拿魚，池魚爽口，吞拿魚更加左赤身醬油，帶出魚嘅鮮味，令人回味無窮。最後一款半肥瘦中拖羅真係好美味！脂肪均勻感入落口入邊真係好好食！到最後仲有超級豐富嘅海膽！大大件入口即溶